Print this page

Administradór husu Governu Loke Pontu Entrada iha Fatumea

Administradór Postu Administrativu Fatumea, Munisípiu Covalima, Geraldo Orleans, ko’alia hela iha sorumutu entre Sekretáriu Estadu Koperativa, Elizário Ferreira, Fatumea, kuartu (21/09). Administradór Postu Administrativu Fatumea, Munisípiu Covalima, Geraldo Orleans, ko’alia hela iha sorumutu entre Sekretáriu Estadu Koperativa, Elizário Ferreira, Fatumea, kuartu (21/09). Foto Tempo Timor

Tempotimor (Covalima)-Administradór Postu Administrativu Fatumea, Munisípiu Covalima, Geraldo Orleans husu ba Governu Sentrál atu instala tan pontu entrada ida iha Postu Fatumea hodi minimiza valores ekonómia iha Postu Administrativu Fatumea ne'ebé sa'e maka'as.

"Agora sasán sira ne'ebé tama iha Suai povu Fatumea ba sosa iha Suai ne'e mai husi Atambua, entaun ida ne'e ami buka meius ida no esforsu bebeik para loke tiha portaun entrada ida iha Fatumea, tanba Atambua mai iha Fatumea ne'e la'o durante minutu rua nulu (20 min)", dehan nia iha Postu Administrativu Fatumea, Munisípiu Covalima, kuartu (21/09).

Objetivu instala pontu Entrada ne'e, atu hafasil komunidade iha postu hodi fa'an sira nia produtu iha área fronteira de'it, duké fila fali mai Suai, alende ne'e minimiza komunidade la'o dalan ilegál husi Fatumea ba Atambua.

Alende ne'e mós, kondisaun estrada husi Munisípiu Covalima ba postu administrativu Fatumea difikulta komunidade atu buka moris.

"Kona-ba kondisaun estrada ida ne'e difulta tebetebes, tanba kondisaun estrada la di'ak signifika valores ekonómia mós sa'e, ho ezijensia sira ne'e mak ami sempre hato'o proposta duké povu besik Atambua ninia liña koordenasaun ne'e distansia besik liu Atambua", nia salienta

Bainhira loke pontu Entrada inklui loke merkadu iha Fronteira Fatumea sei hamenus valor ekonómia.

"Ba merkadu ne'e besik, entaun valor ekonómia mós tun, tanba husi Atambua ba to'o tiha Suai signifika husi tasi feto to'o tasi mane, ne'e distansia ida ne'ebé dook, entaun fila fali ba valor ekonómia mós tenke aas", dehan nia.

Tanba, loke merkadu no pontu Entrada iha Fatumea sei fo benefisiu ekonómia entre Atambua no Postu Fatumea, tanba durante ne'e komunidade Atambua barak hola Produtu iha Timor hanesan, kamí, kinur, Sukaer, liis mean, mutin, no seluk tan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items