Print this page

SEKOOP Husu Juventude Mobiliza Malu Sai Autor ba Dezenvolvimentu

SEKOOP Elizário Ferreira, ko’alia hela iha seminariu dezenvolvimentu ekonomia kreativa ba juventude no grupu tarjetu sira iha Munisípiu Baukau. SEKOOP Elizário Ferreira, ko’alia hela iha seminariu dezenvolvimentu ekonomia kreativa ba juventude no grupu tarjetu sira iha Munisípiu Baukau. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira husu ba juventude sira mobiliza malu atu sai autór ba dezenvolvimentu.

Nune’e, SEKOOP realiza semináriu dezenvolvimentu ekonomia kreativa ba juventude no grupu tarjetu sira iha Munisípiu Baukau, ne’ebé ho tema ‘Hakbi'it Juventude ba Dezenvolvimentu Ekonomia Kreativa’ no partisipa husi juventude Munisípiu Baukau, Lautem, Manatutu no Vikeke.

"Juventude maka tenki sai autor ba dezenvolvimentu ekonomia rai laran. Dezafiu ne'e labele sai hanesan obstaklu ida, maibé dezafiu tenki sai hanesan oprtunidade hodi hakat ba oin hodi kontribui ba ekonomia rai laran", dehan nia iha Salaun Canosiana Baukau, segunda, (19/09).

Governante ne'e mos enkoraja grupu tarjetu sira atu nakfilak-an sai kooperativa tuir lei haruka atu parte SEKOOP prontu nafatin halo akompanamentu, superviziona no fasilita formasaun bei-beik to'o hamriik mesak ho ain rasik.

Husu mós ba pontu fokál Sekretáriu Estadu Juventude no Desportu (SEJD), ne’ebé destaka kada postu administrativu no grupu produtivu sira tenki partisipa formasaun kona-ba lala'ok kooperativa nian, ne’ebé karik realiza iha munisípiu, atu bele intende di’ak liu tán.

Enkuantu seminariu ne'e, partisipa husi reprezentan  Administradór Munisípiu Lautem no Vikeke, Komandante PNTL Munisípiu Baukau, Diretor Gerál AFP SECOOP, Natália Rocha, administrador postu administrativu sira husi Munisípiu haat parte leste nian, pontu no funsionariu sira destakdu SEJD nian iha munisipiu Baucau, Vikeke no Manatutou.

Nune’e mós husi grupu tarjetu sira ne'ebe maka hakarak nakfilak-an sai Cooperativas no Organizador Mobilizador no Motivador (OMM) no funsionáriu SECOOP nian destaka iha Munisípiu Baukau, Vikeke, Lautem no Manatutu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items