Tuir Informasaun ne'ebé www.tempotimor.com asesu iha pájina ofisiál MTCI, sesta (16/09) katak, komunidade hirak ne'ebé naran la iha lista bele reklama, nune'e komunidade hotu bele hetan.
Reprezenta husi entidade implementador (MTKI), Armando Filomeno Alves, afirma, komunidade hotu iha direitu atu hetan produtu Cesta Bázika, ba hirak ne'ebé naran laiha bele reklama sira nia direitu ba meza, nune'e bele buka solusaun hodi resolve.
Atividade distribuisaun Cesta Bázika iha Munisípiu Ataúro governu kontrata empreza Agrobisnis Atauro Lda, hodi fahe ba benefisiárius hamutuk 11, 588.
Xefi Gabineti ne'ebé reprezenta administradór Munisípiu Ataúro, Lúcio Boromeu, fó apresiasaun tebes ba governu nia polítika ne'ebé fahe aihan ba nia povu.
Polítika governu nian implementa programa Cesta Bázika hodi rekopera ekonomia railaran depois Timor-Leste hasoru pandemia global no kalamidade públiku ho objetivu atu bele insentiva agrikultór sira hasa'e produsaun agrikula.
Distribuisaun produtu Cesta Bázika iha loron dahuluk hahú ona iha suku Villa Maumeta, ne’ebé benefisiáriu hamutuk 518. (*)