Print this page

PN Sei Fó Atensaun ba Debate OJE 2023

By September 15, 2022 680
Osan dolar Amerika. Osan dolar Amerika. Foto Suplay

Tempotimor (Dili)-Parlamentu Nasional (PN), sei fo atensaun ba diskusaun Orsamentu Jerál Estadu (OJE) tinan fiskál 2023 nian tuir kalendáriu ne'ebé determina.

"Iha Kinta Sesaun Legislativa ne'ebe oras ne’e loke dadaun, hanesan baibain, sei fo atensaun ba diskusaun kona-ba OJE 2023 ne'ebe tuir kalendariu," dehan Prezidente Parlamentu Nasional (PN), Aniceto Longuinhos Guterres Lopes iha plenaria, kinta (15/09).

Tanba, bazeia ba Lei Enquadramento Orçamental e Gestão das Finanças Públicas foun katak, diskusaun OJE 2023 sei konklui molok fulan novembru tinan-2022.

Ohin mós abertura ba sensaun lejislativa dalimak iha kinta lejislatura ida-ne'e, parte Prezidenti Parlamentu Nasional mos hakarak hato'o apresu no agradesimentu espesial ba Prezidente Repúblika, José Ramos Horta ne'ebé dezde nia mandatu Prezidensia, hatudu kedas kolaborasaun di'ak ho Parlamentu Nasional.

"No ohin mai hamutuk ho ita hotu iha Sesaun Solene ida ne’e hodi hato'o mensajein ba Estadu no ba Povu no halo abertura Kinta Sesaun Legislativa, Kinta Legislatura," esplika nia.

Maibé, Parlamentu Nasionl haree husi abertura ida-ne'e hatudu katak, povu mak na'in ba demokrasia no povu mak soberania no poder politiku nia hun.

Entretantu, proposta Orsamentu Jerál Estadu (OJE) tinan 2023 ne’ebé aprova ona husi Konsellu Minístru ho montante biliaun US$3.1. (*)

Rate this item
(0 votes)
Last modified on Thursday, 15 September 2022 18:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items