“Dirijente tenke hola ezemplu hanesan ema nia aman ida Jesus ne'e, servisu em koletivu nia maske Maromak oan maibé nia hili ema na'in sanulu-resin-rua (12) atu servisu ho nia nune'e mós dirijente Kooperativa tenke servisu hamutuk ho membru sira. Judas fa'an Jesus tanba osan 30 Sikel duit metan tanba ne'e membru no dirijente Kooperativa labele fa'an malu tanba osan”, dehan nia ba jornalista sira hafoin sasin ba akta Estabelesimentu Kooperativa WEMOF iha Edifísiu MOP, Kaikoli segunda (12/09).

Nune'e, husu Kooperativa WEMOF atu dada ema inklui mós utiliza osan ho di'ak hodi nune'e lori kooperativa ne'e ba oin.

“Husi ne'e imi tenke uza imi-nia bee matan ne'e sai osan matan, katak imi tenke halo servisu oinsá atu dada ema seluk maibé mós keta haluha maibé kuandu ko'alia Kréditu Uniaun ko'alia assuntu rua, mak osan no ema”, hatete nia.

Alende ne'e Dirijente Kooperativa WEMOF, Marcos da Costa, husu ba Sekretáriu Estadu Kooperativa atu apoiu másimu iha Kooperativa WEMOF nian.

“Hodi WEMOF nia naran ami hato'o agradese wa'in, husu mós suporta másimu husi SEKOOP, no agradese ba Ministru Obras Públika (MOP), hodi bele partisipa másimu tanba Kooperativa ne'e membru mak sai na'in”, afirma nia.

Tanba durante ne'e funsionáriu husi Ministériu Obras Públikas ne'ebé konsege tuir ona formasaun Kooperativa nian hodi aplika iha futuru mai. (*)