Print this page

OMS Enkontru ho AIFAESA Aprezenta Planu Atividade ba Asisténsia Tékniku

By September 06, 2022 469
Organizasaun Mundiál Saúde (OMS) enkontru Autoridade Inspesaun no Fiskalizasaun Atividade Ekonómika, Sanitária no Alimentar, I.P. (AIFAESA, IP). Organizasaun Mundiál Saúde (OMS) enkontru Autoridade Inspesaun no Fiskalizasaun Atividade Ekonómika, Sanitária no Alimentar, I.P. (AIFAESA, IP). Foto Suplay

Tempotimor (Dili)-Organizasaun Mundiál Saúde (OMS) enkontru Autoridade Inspesaun no Fiskalizasaun Atividade Ekonómika, Sanitária no Alimentar, I.P. (AIFAESA, IP) aprezenta planu atividade ba asisténsia tékniku duarante nia apoiu iha AIFAESA.

Tuir informasaun ne’ebé www.tempotimor.com, asesu iha pájina AIFAESA, tersa (06/09/2022 katak, Asisténsia téknika ne'ebé Organizasaun Mundiál Saúde oferese ba AIFAESA iha ámbitu kontrolu ba kualidade ai-hán, hahú hala'o enkontru dahuluk ho direjente no xefia sira hodi aprezenta planu atividade atubele fó nia asisténsia duarante nia apoiu iha AIFAESA.

Iha Sorumutu ne'e Inspetór Jerál AIFAESA, IP, Ernesto Monteiro, husu atu Citra hanesan asisténsia ne'ebé OMS oferese hodi apoiu AIFAESA atu haree, hadi'a no kompleta sistema servisu inspesaun sira nune'e mós bele apoiu asegura manuál prosedimentu ba inspesaun no fiskalizasaun iha ámbitu kontrolu alimentár no Bebeida sira hodi garante ba kualidade produtu.

Asisténsi Téknika, Citra mós kompremete sei fó asisténsia ho kualidade no apoiu kria manuál prosedimentu inspesaun inklui fó formasaun téknika ba Inspetór DO, DMP no tékniku DPORAL sira durante fulan-neen iha AIFAESA.

Enkuantu, Sub-Inspetór Jerál AIFAESA, Dionisio Neto da SIlva apresia no agradese ba OMS nia apoiu tomak, nune'e segundu orgaun AIFAESA ne'e husu ba tékniku sira atu halo aproveitamentu di'ak hodi bele implementa sistema ne'ebé di'ak liután hodi garante kualidade servisu ba iha públiku emjerál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items