Print this page

Ekipa BTL Halo Levantamentu Tékniku ba Bee-moos iha Ainaro no Aileu

Ekipa Planing Design husi Diresaun Enjeñaria no Investimentu (DEI) BTL, E.P halo levantamentu tékniku bee matan sira Iha Munisipiu Ainaro no Aileu. Ekipa Planing Design husi Diresaun Enjeñaria no Investimentu (DEI) BTL, E.P halo levantamentu tékniku bee matan sira Iha Munisipiu Ainaro no Aileu. Foto Suplay

Tempotimor (Dili)-Ekipa Planing Design husi Diresaun Enjeñaria no Investimentu (DEI) Bee Timor-Leste, Empreza Públika (BTL, E.P) nasionál, dezloka ba Postu Administrativu Hatu-Udo, Munisípiu Ainaro no Postu Administrativu Remexio, Munisípiu Aileu hodi halo levantamentu tékniku iha bee matan sira, iha fatin rua ne’e.

Tuir informasaun ne’ebé www.tempotimor.com, asesu iha pájina BTL,EP, Segunda (29/08) katak, levantamentu tékniku ne’e, hala’o iha munisípiu rua, hanesan faze dahuluk, iha Postu Administrativu Hatu-Udo, Munisípiu Ainaro, hahú loron 22 to’o loron 24 fulan-agostu tinan ne’e no iha loron 24 to’o loron 27 fulan-agostu tinan 2022 ne’e, kontinua kedas atividade levantamentu tékniku bee-moos, ba Postu Administrativu Remexio, Munisípiu Aileu.

Ba levantamentu ne’e, ho objetivu hodi hatene débitu bee iha bee matan rua ne’e no transforma ba área urbana, molok implementa projetu iha Postu Administrativu rua ne’e.

Tuir informasaun hosi ekipa D.E.I katak, molok tun ba terrenu, hodi halo levantamentu tékniku ne’e, ekipa hala’o uluk enkontru ho autoridade lokál no fasilitadór sira, hosi postu-administrativu rua ne’e no sira koopera ho di’ak, hodi hala’o atividade refere.

Durante atividade levantamentu tékniku ne’e, iha terrenu, akompaña mós husi autoridade lokál sira husi Postu Administrativu rua ne’e.

Hhafoin levantamentu tékniku, faze tuir mai tékniku sira sei halo análiza téknika, prepara dezeñu no bill of Qunatity (BoQ). (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items