Print this page

BTL Hala’o Enkontru ho FHTL ba Atualiuzasaun Servisu iha Likisá

Prezidente Komisaun Ezekutiva (K.E) Bee Timor-Leste (BTL, E.P), Carlos Peloi dos Reis, hala’o enkontru ho ekipa Fundasaun Hafoun Timor Lorosa’e (FHTL) . Prezidente Komisaun Ezekutiva (K.E) Bee Timor-Leste (BTL, E.P), Carlos Peloi dos Reis, hala’o enkontru ho ekipa Fundasaun Hafoun Timor Lorosa’e (FHTL) . Foto Suplay

Tempotimor (Dili)-Prezidente Komisaun Ezekutiva (K.E) Bee Timor-Leste (BTL, E.P), Carlos Peloi dos Reis, hala’o enkontru ho ekipa Fundasaun Hafoun Timor Lorosa’e (FHTL) ba atualizasaun servisu ne’ebé hala’o iha Munisípiu Likisá.

Tuir informasaun ne’ebé www.tempotimor.com, asesu iha pájina BTL,EP, Segunda (29/08) katak, enkontru ne’ebé hala’o ho objetivu hodi atualiza servisu balun liga ba bee, saneamentu no ijiéniku ne’ebé membru PN BESI-TL (FHTL) ne’e hala’o ona iha Likisá, hafoin servisu hamutuk ho WaterAid relasiona ho programa Bee ba Feto.

Iha biban ne’e, ekipa refere entrega no partilla mós rezultadu peskiza kona-ba bee nian, husi suku Lauhata no Dato Munisípiu Likisá nomós iha suku Edi, Manetu no Fatubesi, Munisípiu Ainaro ba Prezidente K.E BTL, E.P.

Ba rezultadu peskiza ne’ebé ekipa identifika komunidade balun iha suku hirak ne’e la asesu ba bee-moos, hanesan iha suku Fatubesi, maioria komunidade sira hela iha laletek ka foho leten, nune’e sira labele asesu bee iha kle’an.

Tanba ne’e, ekipa hakarak partilla informasaun husi rezultadu peskiza refere ba BTL, E.P ne’ebé mak haree ou responsabiliza ba asuntu bee, hodi hetan asaun ruma.

Hafoin aprezenta rezultadu peskiza nian, hetan kedas resposta pozitiva husi Prezidente BTL,Ep tanba bele iha inisiativa hodi apoia tanke ida, atu akumula bee, hodi fornese ba komunidade sira, liliu iha suku Fatubesi, Postu Administrativu Maubisse, Munisípiu Ainaro.

Ekipa nafatin agradese ba Prezidente BTL, E.P hodi fó biban, atu oinsá sosiedade sivil bele apoia BTL, E.P iha prosesu atu mellora fasilidade bee no saneamentu, nomós bele fó oportunidade ba sosiedade sivíl hodi halo servisu, atu fahe informasaun liga ba bee moos. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items