Login to your account

Username *
Password *
Remember Me

Autoridade Suku Grotu Agradese Governu Fasilita Eletrisidade ba Komunidade

Ministru Obras Públikas, Abel Pires da Silva, akompana husi autoridade lokal inaugura eletrisidade iha Postu Adminisstrativu Same. Ministru Obras Públikas, Abel Pires da Silva, akompana husi autoridade lokal inaugura eletrisidade iha Postu Adminisstrativu Same. Foto Suplay

Tempotimor (Dili)-Autoridade Lokál liliu Xefe Suku Grotu, Felomeno dos Santos, kontente ho matan-been agradese ba Governu Konstitusionál Daualu ne’ebé konsege dada ona enérjia eletrisidade ba komunidade suku Grotu hodi fasilidade komunidade sira atubele asesu ahi eleitrisidade.

Tuir informasaun ne’ebé www.tempotimor.com, asesu iha pájina MOP, Segunda (29/08) katak, Xefe Suku agradese ba Ministru Obras Públikas, Abel Pires da Silva, matan badaen badaen duni, neon badaen badaen duni, área ida dook tebes husi Postu Same bele hetan naroman ida furak.

“Ohin ha’u dehan ha’u tanis tanba ema barak dehan bainhira mak hetan ahi, pela primeira vez Governu tau-matan, ha’u servisu iha ne’e to’o ha’u katuas mak foin ahi lakan ne’e mak ha’u tanis ne’e. Ha’u tanis la’ós tanba ha’u kontente, ha’u tanis tanba ha’u kontente, ne’ebé ba komunidade hotu haksolok ona ba, fó viva ba VIII Governu Konstitusionál”, afirma Xefe Suku Grotu, Felomeno dos Santos.

Xefe Suku Grotu lori komunidade suku Grotu hamutuk 1.441 hato’o agradese n ba VIII Governu Konstitusionál.

Iha oportunidade ne’e xefe suku hato’o mós preokupasaun komunidade uma-ka’in 17 ne’ebé seidauk asesu enérjia eletrisiade ba Governu liliu MOP-EDTL hodi tau-matan mós.

Iha intervensaun, Ministru Obras Públikas (MOP), Abel Pires da Silva, agradese tebes tanba komunidade suku Grotu partisipa másimu iha serimónia inaugurasaun ba projetu eletrifikasaun iha suku Grotu.

“Lia-fuan ida ohin ita-nia MC ko’alia iha kraik ne’aba dehan katak, ohin loron ami kontenti tanba ahi naroman ona, lia-fuan simples maibé kuandu ita rona iha rai ida-ne’e duni, rai ida ne’ebé besik tinan 500 ahi nu’unka tama, nia sentidu ne’e todan tebes, oin seluk tebes, rona tan, haree tan ita-nia na’i liurai mata-been monu, lia-fuan ida-ne’e mós lori mata-been mai ita, hanesan ita-nia na’i liurai dehan la’ós mata-been triste maibé mata-been orgullu e kontente”, dehan Ministru Abel.

Iha inaugurasaun ne’e, Ministru Abel Pires mós agradese tanba komunidade suku Grotu ne’ebé simu komitiva ne’ebé di’ak tebes.

“Ohin husi dook ne’e ha’u haree inan-aman sira, oan sira kintu-kantu, tebedai husi kedas fatin ida loke ahi to’o iha ne’e, uma resepsaun ke laiha komparasaun, pelumenus mai ha’u, ha’u la’o ona ba mai partidu nian, Governu nian, eskola nian mais rai Grotu ne’e hela permanente e espesiál iha ha’u-nia fuan”, afirma nia.

Iha fatin hanesan Administradór Munisípiu Maunfahe, Arantes Isaac Sarmento, agradese ba I Governu Konstitusionál lideradu husi Primeiru Ministru (PM), Jenerál Taur Matan Ruak, ne’ebé iha komitmentu boot hodi lori dezenvolvimentu ba komunidade liuhusi dada enérjia eletrisidade ba komunidade.

Agradese mós ba komunidade suku Daisua ne’ebé fó apoiu másimu ba projetu dada liña eletrisidade iha suku refere.

Iha fatin hanesan, Prezidente EDTL.EP, Paulo da Silva, atualiza informasaun ba komunidade liga ho programa eletrisifikasaun ba suku no aldeia sira, kontinua fó hanoin ba komunidade sira atu kuidadu nafatin liña distribuisaun sira, bainhira iha avariasaun ruma informa ba tékniku EDTL hodi halo manutensaun, ikus liu kona-ba apoiu komunidade nian liuhusi sosa pulsa, nune’e bele sustenta sentrál elétrika Hera no Betano hodi fornese enérjia eletrisidade ba komunidade.

Nune’e mós Xefe Suku Daisua, Amorin da C. Sarmento, agradese tanba dezde tinan barak komunidade suku Daisua seidauk asesu ba enérjia eletrisidade maibé ohin loron bele asesu ona enérjia eletrisidade, husu atu kontinua dada ba komunidade iha aldeia balun iha suku refere ne’ebé seidauk asesu ba enérjia eletrisidade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter