“Iha Forum ne'e sei iha meza redonda iha mós sesaun panelista ne'ebé mak ha'u hetan konvite atu sai mós Oradór, iha ne'ebá kada nasaun sei iha assembleia Jerál tanba Timor-Leste mós membru ba aliansa Kooperativa Internationál assembleia Jerál rejionál ne'e sei ko'alia mós kona-ba progressu no dezafiu ne'ebé mak Timor-Leste enfrenta”, dehan nia ba www.tempotimor.com iha nia kna’ar fatin Akait, kinta (25/08)

Tanba ne’e, ohin (26/08) SEKOOP ho Ekipa desloka ba Tailándia (Bangkok) hodi partisipa Forum Konfederasaun Asia Kréditu Uniaun nian durante loron lima (5) iha Bangkok, iha ámbitu ne'e mós SEKOOP sai Oradór ba Aliansa Koperativa Internasionál, ne'ebé ko'alia kona-ba vida Kooperativa Timor leste nian iha Tailandia.

Nune'e mós mós sei husu ba nasaun sira ne'ebé mak envolve iha Aliansa Koperativa Internasionál refere oinsá atu ajuda Kooperativa iha Timor-Leste hodi bele dezenvolve di'ak iha futuru mai.

Tanba SEKOOP mós serbisu hamutuk mós ho UNCDF hodi desenvove Programa ida bolu Dezenvolvimentu teknolojiku ka Kooperativa de dijitalizasaun entaun presiza aprende tan buat balun husi nasaun sira ne'ebé avansadu liliu iha nível Kooperativa ne'e atu nune'e dezenvolvimentu Kooperativa teknolojiku ne'ebé introduz bele hetan impaktu iha ninia dezenvolvimentu ba futuru ne'e.

“Ida-ne'e mak objetivu prinsipál husi SEKOOP ninia objetivu deslokasaun ba Bangkok iha dia 26 ne'e”, afirma nia.

Liuhusi Aliansa koperativa Internasionál hanesan mós ajénsia ida antigu liu iha nasaun unidu ninia okos sira bele halo promosaun ONG internasionál, ajénsia Internasionál sira ne'ebé mak mahon iha nasaun ida atubele suporta Kooperativa Timor-Leste nian atu dezenvove ba oin. (*)