Print this page

Aban, SEKOOP ba Partisipa Forum Ázia Konfederasaun Kréditu Uniaun iha Bangkok

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira ho ekipa, aban (26/08) sei desloka ba nasaun Tailándia (Bangkok) hodi partisipa Forum Konfederasaun Asia Kréditu Uniaun nian durante loron lima (5).

“SEKOOP ninia deslokasaun ba Bangkok-Tailándia ne'e tanba hatan konvite husi Asian Konfideration Credito Union Link ne'e konfederasaun ida ne'ebé mak nasaun sira reprezenta Ázia hamutuk iha 28 paises mak membru”, dehan Sekretáriu Estadu Elizário Ferreira ba www.tempotimor.com iha nia kna’ar fatin Akait, kinta (25/08).

Tanba objetivu partisipa Forum ne'e importante tebes hodi ko'alia kona-ba dezenvovimentu Koperativa nian iha Tailándia.

“Meza redonda ne'e nia objetivu atu ko'alia kona-ba dezenvolvimentu Kooperativa ninian ba nível aliansa Kooperativa International Asia Pacifiku e nível mundiál hamutuk ho aliansa Kooperativa International”, hatete nia.

Tanba ne'e momentu ne'e importante tebetebes ba dezenvolvimentu Kooperativa nian atubele hetan mós esperiénsia hetan mós hanoin atubele ba programa ida di'ak iha duni prinsípiu no valór Kooperativa nian hodi asegura sustentabilidade instituisionál Kooperativa

Nune’e mós estabilidade finanseira movimentu Kooperativa nian nomós asegura bem Estar membru Kooperativa nomós ba komunidade enjerál iha Timor-Leste, mak objetivu prinsipál husi ida ne'e.

Tanba Timor-Leste adere ba Asian Konfederasaun Kréditu Uniaun ne'e desde tinan 2011 momentu iha Nasaun Malázia.

Maibé loloos ne'e movimentu Koperativa Kráditu Uniaun ne'ebé servisu ba orgaun ida ka ninia sumbriña ida mak iha rejionál, maibé tanba SEKOOP mós hetan konvite hanesan insitituisaun estadu nian ne'ebé mak sei partisipa iha Forum ne'e Entre dia 27-31 fulan-agostu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items