Login to your account

Username *
Password *
Remember Me

MAP Aprezenta Planu Produsaun Hahán Animál iha Likisá ba PM Taur 

Primeiru Ministru, Taur Matan Ruak, dada lia hela ho Minístru Agrikultura no Peskas (MAP), Pedro dos Reis. Primeiru Ministru, Taur Matan Ruak, dada lia hela ho Minístru Agrikultura no Peskas (MAP), Pedro dos Reis. Foto Suplay

Tempotimor (Dili)-Minístru Agrikultura no Peskas (MAP), Pedro dos Reis, aprezenta planu instala mákina produsaun hahán animál iha Likisá ba Primeiru Ministru, Taur Matan Ruak.

“Durante semana ida ita hetan green ligth husi parseiru sira ne'ebé mak hanesan Ministériu halo loby sira prontu atu ajuda ita-nia Estadu para halo formulasaun hahán ikan manu fahi iha ita-nia rai laran e ohin ha'u mak relata ba Primeiru Minístru atu husu autorizasaun atu nune'e tempu badak ita haree ona nia mákina ne'e tenke lori mai ona ho modelu saida de'it e mesmu tempu péritu ne'ebé mak atu halo formulasaun kontratu kedas e lori mai”, dehan nia hafoin hasoru Primeiru Ministru, Taur Matan Ruak, iha Palásiu Governu, kuarta (24/08).

Ba instalasaun mákina produz hahán sira ne'e ajuda no fasilita tebes komunidade tanba loke merkadu ba komunidade sira inklui mós hadi’a nutrisaun komunidade iha Timor-Leste.

“Se loron ida ita produz tonelada lima de'it kada loron ha'u hanoin vontade komunidade ita-nia agrikultór sira iha Timor laran tomak inklui ita sira ne'e ita kuda ona tanba merkadu iha ona e kuandu ita produz iha rai laran folin baratu ema sira ne'ebé mak iha manu ikan, sosa hahán ne'ebé ita produz ho folin baratu otomatikamente nia sasán sira folin baratu na'an baratu entaun liga programa de hadi’a de valór e ema hotu hotu asesu ona ba nutrisaun di'ak”, afirma nia.

Kona-ba orsamentu ho Montante folin hira seidauk iha define loloos tanba materiál sira ne'e hola iha Estranjeiru no tuir planu kuandu mákina hirak ne'e to'o ona iha Timor-Leste sei instala iha Munisípiu Likisá hodi halo produsaun ba Animál sira iha Timor laran tomak.

“Ami sei koloka mákina ne'e KOICA iha Likisá tanba tanba iha Likisá iha Ministériu Agrikultura nia kotuk ne'e mamuk ne'ebé ami sei tau iha ne'ebá, ami koko uluk iha Likisá lai tanba ne'ebá sentru, tanba iha fatin seluk lutu laiha presiza buat barak maibé iha Likisá iha ona e produsaun ita halo dadauk iha ne'ebá ona”, dehan nia.

Ba servisu hirak ne'e, bazeia ba orientasaun Primeiru Minístru (PM), Taur Matan hodi halo produsaun ba hahán animál sira iha Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter