Print this page

Ekipa BTL Hala’o Sosializasaun iha Munisípiu Bobonaro

Komunidade no autoridade sira iha Munisipiu Bobonaro akompana hela sosializasaun ne'ebe hala'o husi ekipa BTL,EP. Komunidade no autoridade sira iha Munisipiu Bobonaro akompana hela sosializasaun ne'ebe hala'o husi ekipa BTL,EP. Foto Suplay

Tempotimor (Dili)-Ekipa Bee Timor-Leste, empreza públika (BTL, E.P) liuhusi diresaun operasaun no manutensaun, hamutuk ho ekipa husi Departamentu Apoiu Kliénte no Jurista BTL,E.P hala’o sosializasaun ba komunidade sira no entidade sira husi instituisaun relevante, iha Munisípiu Bobonaro.

Tuir informasaun ne’ebé www.tempotimor.com, asesu iha pájina BTL, tersa (23/08) katak, objetivu husi sosializasaun ne’e, atu divulga lei númeru regra tolu husi BTL,E.P, nu’udar mata dalan ida, atubele regula konsumidór sira, hanesan Dekreitu-lei númeru 41/2020 de 25 Setembru kona-ba kriasaun BTL,E.P, Dekreitu-lei númeru 4/2004 de 11 fevereiru, ne’ebé aprova rejime fornesimentu bee ba konsumu públiku, no Diploma Ministeriál númeru 1/2009 de 5 Outobru kona-ba fiskalizasaun sistema abastesimentu bee.

Diretór Operasaun no Manutensaun TBL, EP, João Nazaret da Piadade Brás hatete, atividade sosializasaun ne’e, importante atubele partilla Lei no Regra ba konsumidór sira, atu labele prátika halo ligasaun ilegál no labele utiliza mákina sira hodi supa bee.

Sekretáriu Autoridade Munisípiu Bobonaro, João do Carmo de fatíma, konsidera sosializasaun ne’e importante tebes, tanba bele fahe ona enkuadramentu legál sira, ba kliénte konsumu bee-moos, iha Munisípiu Bononaro.

Tanba hanesan autoridade sei halo kooperasaun servisu di’ak ho BTL, E.P, nune’e konsumidór sira bele kontribui selu tarifa ba BTL, E.P, hodi halo manutensaun ba sistema bee-moos, atubele garante nafatin nia sustentabilidade ba tempu naruk.

Entretantu dadauk ne’e, komunidade sira ne’ebé konsege asesu ba sistema bee-moos, husi kanalizasaun BTL, E.P ne’e, pursentu sanulu-resin-tolu (13%) no abitante sira ne’ebé seidauk asesu bee-moos ne’e mak pursentu ualunolu-resin-hitu (87%).

Komunidade sira ho pursentu ualunolu-resin-hitu (87%) seidauk asesu bee-moos husi sistema, tanba kanu barak la funsiona, maibé ekipa destaka iha munisípiu refere, kontinua mellora sistema bee-moos, hodi bele reponde ba komunidade sira-nia nesesidade loroloron. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items