Print this page

Kliénte Foun Um-ka’in 10 iha Vikeké Hahú Kontribui Reseita

Ekipa BTL iha Munisípiu Vikeké hadia hela kanu bee-moos ne'ebe aat. Ekipa BTL iha Munisípiu Vikeké hadia hela kanu bee-moos ne'ebe aat. Foto Suplay

Tempotimor (Dili)-Kliénte foun Bee Timor-Leste, empreza públika (BTL,EP) uma-ka’in 10 iha Munisípiu Vikeké hahú kontribui hodi selu tarifa bee-moos ne’ebé sira utiliza.

Tuir informasaun ne’ebé www.tempotimor.com, asesu iha pájina BTL, sesta (19/08) katak, atu garante sustentabilidade ba BTL, E.P nia atividade rasik, liuhusi kontribuisaun kliénte nian, mak ekipa Tékniku Operadór (T.O) BTL, E.P munisípiu Vikeké, iha loron 16 fulan-agostu tinan 2022, kontinua instala metru kontadór bee foun unidade 10, ba komunidade uma-kain 10, iha aldeia Manehat, suku Caraubalo, Munisípiu Vikeké.

Servisu instalasaun metru kontadór bee ba konsumidór sira-nia hela fatin ne’e, hanesan atividade regulár, nune’e liuhusi instalasaun ba metru kontadór refere, hodi hafasil halo kontrolu ba uzu bee loroloron nian no komunidade sira mós hahú kontribui reseita liuhusi selu tarifa bee-moos, hodi garante sustentabilidade manutensaun ba sistema bee-moos sira.

Tuir informasaun hosi tékniku sira katak, molok tékniku sira ba halo instalasaun ne’e, komunidade sira rejista no halo ona pagamentu iha edifísiu BTL, E.P, hodi sai kliénte no bele asesu kanalizasaun bee husi BTL, E.P.

Antes ne’e, tékniku sira monta metru kontadór DN 15 ho 20mm, hodi prepara ba instalasaun iha kliente sira-nia hela fatin, nune'e tékniku sira konsege instala ona metru kontadór bee unidade 10. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items