Print this page

Taur 'Gava' Empreza Privadu Inisia Fábrika Prodúz Hahán ba Animal iha Likisá

Primeiru Ministru, Taur Matan Ruak,  hamutuk ho Ministru Kordenadór Asuntu Ekonómiku (MKAE), Joaquim Amaral, no Arsebispu Dili, Dom Virgílio do Carmo da Silva inklui na’in ba Empreza Keshavarz Great Timor ho entidade sira seluk lansa hela fatuk Dahuluk l ba edifísiu fábrika iha Postu Administrativu Maubara, Munisípiu Likisá, kinta (18/08). Primeiru Ministru, Taur Matan Ruak, hamutuk ho Ministru Kordenadór Asuntu Ekonómiku (MKAE), Joaquim Amaral, no Arsebispu Dili, Dom Virgílio do Carmo da Silva inklui na’in ba Empreza Keshavarz Great Timor ho entidade sira seluk lansa hela fatuk Dahuluk l ba edifísiu fábrika iha Postu Administrativu Maubara, Munisípiu Likisá, kinta (18/08). Foto Suplay

Tempotimor (Dili)-Primeiru Ministru (PM), Taur Matan Ruak, gava Emprezáriu privadu Keshavarz Great Timor (Iranianu Dili Lda) ne'ebé inisia fábrika importante ida kona-ba produz hahán ba animál, ikan, mina te'in, Matadouro no sentru empakotamentu (packaging) iha Munisípiu Likisá.

“Projetu ida-ne'e ha'u hanoin Projetu ida ke importante tebtebes iha ita-nia Raí”, dehan Taur iha ámbitu lansamentu fatuk dahuluk ba konstrusaun edifísiu fábrika refere iha Munisípiu Likisá, kinta (18/08).

Ba investimentu privadu ne'e rasik hetan lansa husi Primeiru Ministru Taur Matan Ruak, hamutuk ho Ministru Kordenadór Asuntu Ekonómiku (MKAE), Joaquim Amaral, Arsebispu Dili, Dom Virgílio do Carmo da Silva no na’in ba Empreza Keshavarz Great Timor inklui entidade sira seluk iha Postu Administrativu Maubara, Munisípiu Likisá.

Ba investimentu ida-ne'e, Primeiru Ministru, Taur Matan Ruak haree katak investimentu privadu refere estratéjiku tebes ba Timor-Leste tanba durante ne’e Timor-Leste dependente liu ba produtu husi li’ur.

Tanba ezemplu ida mak kada fulan Timor-Leste importa manu millaun 1.4. ba konsumu doméstiku liliu tanba haree mós ba funu entre rusia ho Ukraina ne'ebé halo mundu tomak enfrenta problema hahan no kombustivel inklui haree mos dependénsia externa Timor nian kona-ba hahán husi rai liur ne'ebé durant ne'e boot tebes.

Maske tinan 20 ona Governu ida ba Governu seluk, maibé dala barak fó prioridade liubá polítika no demokrásia.

Tanba ne'e tempu ona, Governu tenke fó prioridade númeru dahuluk mak tenke transparante no responsável atu hetan fiar hodi investidór sira bele mai eleva nível dezenvolvimentu ekonomia Timor nian.

Purtantu mudansa ne’ebé Governu daualu sei halo iha reforma fiskál, ne’ebé transparante liu mak atu dada intrese investidór sira husi li’ur atu mai investe iha rai laran, tanba Governu kria ona kondisaun.

Nune'e durante asume kna’ar hanesan Primeiru Ministru simu ona emprezáriu estranjeiru lubuk ida ne’ebé mai pronúnsia katak sira iha kapitál billaun de’it maibé hafoin buka tuir sira-nia naran no enderesu laiha plataforma online hanesan website ka Facebook.

Maibé ba fali empreza Keshavarz Great Timor, Unip Lda ne'e hatudu duni sira-nia seriedade atu kria fábrika tanba realidade hatudu ona sira iha investimentu Kinta Salom Farm iha Hera, hanesan haki'ak karau Timur no vaka, bibi, ikan, manu lokál, manu rade  no seluk tan.

Iha ne'e Primeiru Ministru mós sei hasoru malu ho Kompaña Samsung Korea nian nomós iha Empreza boot ida husi Austrália ne'ebé mós hakarak atu investe iha rai laran.

Husu ba agrikultór sira iha teritóriu laran katak, ho prezensa fábrika refere, iha ona garantia ba merkadu tanba ne’e husu kuda barak matéria prima sira ne’ebé fabrika ne’e sei presiza hanesan hahán animál, ikan, no mina te’in.

Nune'e mós apela ba autoridade lokál no komunidade lokál buka koopera no tau matan ba investimentu refere, hodi kuidadu naran di’ak Timor-Leste nian, atu nafatin iha konfiansa ba investidór sira seluk labele ta’uk mai investe iha-ne’e hodi fó kampu traballu ba joven sira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items