Tuir informasaun ne’ebé www.tempotimor.com, asesu iha pájina MTKI, kuarta (17/08) katak, Diresaun Jerál Turizmu, liuhusi Diresaun nasionál turizmu komunitária ne’ebé Lidera husi Diretór Moises Tilman, hamutuk ho ekipa tékniku hala’o aprezentasaun proposta refere ba Vise-MTKK Inácia da Conceição Teixeira iha salaun memori’al haal, Farol.

Ba proposta ne’ebé grupu submete ba diresaun nasionál turizmu komunitária hamutuk sanolu (10) mai husi munisípiu, Baukau, Vikeké, Likisá, Ainaru, Lospalos no Manufahi, proposta hirak ne’e, liga liuba sítiu Jornada Rezisténsia, Manbae coffe Trail, no turizmu komunitáriu.

Iha avaliasaun proposta ne’e, Vise-Ministra Inácia Texeira hatete, proposta sira ne’ebé grupu hato’o ba Ministériu Turizmu tenke iha sustentabilidade no kria empregu ba komunidade, no hatama reseita ba Estadu, tanba tenpu badak sei asina kontratu ba grupu sira ne'ebé submete ona proposta mai iha Diresaun Turizmu Komunitária.

Iha sorumutu ne’e mós hetan partisipa husi Diretór Jerál Turizmu, Jelino Soares, no reprezentante Gabinete Inspesaun Auditória Interna-MTKI. (*)