Print this page

Governu Prepara Lansamentu Kompetisaun Negósiu Inovativu Nível Rejiaun

Vise Ministru Komérsiu no Indústria (V-MKI), Domingos Lopes Antunes, hala'o enkontru ho ekipa ba kompetisaun Negósiu Inovativu. Vise Ministru Komérsiu no Indústria (V-MKI), Domingos Lopes Antunes, hala'o enkontru ho ekipa ba kompetisaun Negósiu Inovativu. Foto Suplay

Tempotimor (Dili)-Governu liuhusi Ministériu Turizmu Komérsiu no Industria (MTKI) prepara hela lansamentu Kompetisaun Negósiu Inovativu iha Nível Rejiaun sira.

Tuir informasaun ne’ebé www.tempotimor.com, asesu iha pájina MAEI, kuarta (17/08) katak, MTKI liuhusi Vise Ministru Komérsiu no Indústria (V-MKI), Domingos Lopes Antunes, hamutuk ho Diresaun Jerál Indústria (DGI), Diresaun Nasionál Apoiu Desenvolvimentu Mikro Pequenas no Media Empresas (DN-AMPMES) no parseiru dezenvolvimentu (UNDP) realiza enkontru iha sala sekretariada kréditu suave-MTKI.

Iha ekontru ne’ebé hala’o hodi ko’alia kona-ba preparativu lansamentu kompetisaun negósiu inovativu ba setór produtivu iha Munisípiu sira.

Kompetisaun negósiu inovativu sei fó prioridade ba joven sira ne’ebé tuir planu sei lansa iha Baukau (ne’ebé mak kobre Munisípiu Baukau, Lautein, Vikeké no Manatuto), sei lansa iha Maubise (kobre Munisípiu Ainaro, Manufahi, Aileu no Covalima), sei lansa iha Maliana (kobre Munisípiu Bobonaro, Ermera no Likisá). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items