Tuir informasaun ne’ebé www.tempotimor.com, asesu iha pájina Cntro Chega, kuarta (17/08) katak, objetivu husi lansamentu no inaugurasaun Muzeu Memoriál Munisípiu Aileu (MMMA) ne’e nu’udar fatin prezerva memória pasadu komunidade Munisípiu Aileu nian iha partisipasaun luta ukun rasik-an.
Alende ne’e mós sai fatin aprendisazen no refleksaun ba jerasaun foun sira atu dignifika, valoriza no fó onra ba sira tanba ho sira-nia luta mak ohin loron ita hetan ukun-an.
Serimónia ne’e partisipa husi autoridade lokál, autoridade seguransa, sobrevivente, veteranu, estudante no juventude sira iha munisípiu Aileu. Serimónia hahú ho tesi fita depois kontinua vizita muzeum. Hafoin kontinua bensaun uma husi amu Paroku Aileu, João Felisberto dos Santos, audénsia publika, asina plaka husi Administradór Aileu, Abel da Conceição no ku’a keek nu’udar sekúensia husi serimónia refere. (*)