Tuir informasaun ne’ebé www.tempotimor.com, asesu iha pájina ZEEMS TL, sesta (12/08) katak, Prezidente Autoridade Rejiaun Administrativa Espesiál Oekussi Ambeno (RAEOA) no Zona Ekonómia Sosiál no Merkadu (ZEESM Timor Leste), Arsénio Paixão Bano, akompaña husi Xefe Gabinete Prezidente Autoridade, Maria José Reis, halo enkontru kordenasaun ho Diretór Kompaña Irmão Timor Unipessoal, Lda, Julio Mack informa kona-ba prosesu sosa Ró Success finaliza ona no iha tempu badak sei mai to’o Oekussi Timor-Leste.
Prosesu kona-ba sosa Ró Success finaliza ona hahú semana oin sei halo viajen husi nasaun Malázia no sei to’o iha fulan oin, tanba hanesan setór privadu kordena ho Autoridade ba preparasaun ba lansamentu nian iha portu Kitahara Mahata.
Iha lansamentu hakarak konvida liana’in no membru Governu ne’ebé relevánsia ho transporte marritima nian, enkuantu ró success sei halo operasaun Dili-Oekussi no Munisípiu Ataúru.
Prezidente Autoridade RAEOA, Arsenio Bano hatete, nia parte apresia no agradese ba setór privadu iha interese maka’as halo investimentu ba RAEOA, enkuantu Autoridade prontu atu koopera atu organiza ba preparasaun lansamentu nian hodi fasilita di’ak liután komunidade Oekussi ba transporte Maritima. (*)