Tuir informasaun ne’ebé www.tempotimor.com, asesu iha pájina AIFAESA, kinta (11/08) katak ekipa AIFAESA liuhusi inspetór DO no DMP ne’ebé realiza inspesaun no fiskalizasaun ba loron dahuluk, iha Postu Administrativu Tutuala, Munisípiu Lautein.
Iha atividade ne’e, ekipa halo inspesaun tuir kompeténsia ne’ebé iha, ho objetivu prinsipál, hodi garante kualidade ai-hán no kuantidade ba produtu ho kondisaun falun metin ho justu ba konsumidór sira.
Entretantu, inspesaun ne’ebé lidera husi Xefe Divizaun Metrolojia no padronizasaun, Januário de J. Mendes ne’e, remata ho di’ak tanba hetan koordenasaun uluk ho Autoridade Munisípiu, Postu no Suku inklui parte seguransa nian hanesan PNTL, ne’ebé fó apoiu màsimu iha prosesu inspesaun. (*)