Print this page

MTKI Husu Inan-fefo husi RAEOA Koopera Governu Rezolve Kestaun Tais

Ministru Turizmu, Komérsiu no Indústria (MTKI), José Lucas do Carmo da Silva. Ministru Turizmu, Komérsiu no Indústria (MTKI), José Lucas do Carmo da Silva. Foto Suplay

Tempotimor (Dili)-Ministru Turizmu, Komérsiu no Indústria (MTKI), José Lucas do Carmo da Silva, husu ba inan feto sira husi Rejiaun Aautonomu Espesiál Oekussi Ambeno (RAEOA) koopera ho Governu liliu Ministériu responsavél atu buka kordenasaun ho direitór no kordenadór Expo Dubai nian hodi bele rezolve kestaun tais.

Tuir informasaun ne’ebé www.tempotimor.com, asesu iha pájina MTKI, kinta (11/08) katak, relasiona ho Tais ne’ebé mak iha fulan kotuk ba, inan feto sira husi RAEOA/Oekussi lori to’o Parlamentu Nasionál hodi ejize Governu nia responsabiliza, tanba tais refere la konsege lori ba Expo-Dubai.

Maibé atu rezolve kestaun ne’e, Governu liuhusi Ministériu Turizmu, Komérsiu no Indústria sei resaponabiliza, tanba ne’e husu ba inan feto sira atu fila ba Ministériu buka kordenasaun ho direitór no kordenadores Expo Dubai nian nune’e ajusta kona-ba produtu nia kustu.

“Em Prinsipiu Governu iha responsabiliza ida halo hela prosesu ne’e, maibé seidauk konklui tan maluk inan-feton sira ba foti fali tais ne’e, tanba ne’e Ministru hakarak reintera katak husi parte Governu nian, sempre fasilita. Tanba ne’e ministru husu ba maluk tais na’in sira atu koopera, para ita bele finaliza lalais prosesu ne’e. Ministru husu ba maluk inan-feto sira koopera fila ba Ministériu ko’alia ho diretór no ko’alia ho koordenadór Expo-Dubai, atu nune’e ita bele ajusta produtu (tais) nia kustu sira”, hatete Ministru José Lucas.

Tanba responsabiliza Ministériu ba médio no pequena empreza, tanba ne’e ba kestaun ne’e, ministériu iha responsabilidade hodi rezolve. Nune’e husu ba maluk inan-feton sira atu fila ba Ministériu ko’alia ho komisaun atu nune’e rezolve tais ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items