Tanba manutensaun ba ró rua ne’e parte Komandu Jerál Polísia Nasionál Timor-Leste (PNTL) loke konkursu kle’ur ona, hodi buka kompaña halo manutensaun.
“Momentu ne’e ita prevé osan ba halo manutensaun ba ró rua ne’e hamutuk $50.000, maibé presu husi pesa ne’ebé mak ita atu halo manutensaun ba ró rua ne’e nia valór boot liu fali osan ne’ebé ita prevé, tanba ne’e mak to’o agora seidauk iha kompaña ida atu aplika ba konkursu manutensaun ba ró rua ne’e”, dehan Vise Ministru Interior (VMI), António Armindo, iha nia kna’ar fatin Vilaverde, tersa (09/08).
Komandu Jerál halo Kordenasaun ho Ministeriu Interior hodi fó solusaun ba kestaun ne’e, tanba manutensaun ba ró rua ne’e presiza lalais nune’e UPM sira bele halo kontrolu iha tasi.
“Komandu atu halo manutesaun, maibé osan la to’o. Naturalmente ita iha osan oituan de’it, ne’ebé sira Komandu Jerál PNTL, agora buka meus atu kordena, para atende problema ne’e. Ha’u sei haree atu kordena ho ita-nia parseiru sira oinsá”, afirma nia. (*)
