Login to your account

Username *
Password *
Remember Me

SEKOOP-SEP Prontu Apoiu Formasaun ba Kooperativa Peskas Sira

Sekretáriu Estadu Kooperativa (SEKOOP), Elizário Ferreira hamutuk ho Sekretáriu Estadu Peskas, Elidio de Araújo asina hela kontratu servisu. Sekretáriu Estadu Kooperativa (SEKOOP), Elizário Ferreira hamutuk ho Sekretáriu Estadu Peskas, Elidio de Araújo asina hela kontratu servisu. Foto Suplay

Tempotimor (Dili)-Sekretária Estadu Kooperativa (SEKOOP) asina kontratu servisu iha ho Sekretária Estadu Peskas (SEP) atu asegura bem estar Kooperativa Peskas sira iha Timor laran tomak.

Sekretáriu Estadu Kooperativa (SEKOOP), Elizário Ferreira esplika, objetivu ne'e asina kontratu traballu ne'e atu asegura jestaun finanseiru no Ekonómiku ba membru Kooperativa peskas sira hodi asegura bem estar ba sira nia família.

“Objetivu husi asina kontratu de traballu ida-ne'e atu asegura bem estar ba peskadór sira iha tasi no sira ne'ebé mós iha foho ne'e siknifika katak, parte kooperativa sei organiza peskadór iha Kooperativa hodi asegura jestaun Organizasaun ba sira, finanseiru, no Ekonómiku atu nune'e peskadór bele sai peskadór ida ne'ebé profesionál benefisiáriu e asegura bem estar sira-nia família nian ida-ne'e mak objetivu”, dehan nia ba jornalista sira iha Ministériu Agrikultura no Peskas, segunda, (08/08).

Tanba ne’e, sei seguransa peskadór sira ne'ebé iha Kooperativa liuhusi dalan Edukasaun Formasaun no Informasaun tanba eziste Kooperativa ida hahú ho Edukasaun, dezenvolve no kontrolu no depende totál hotu ba edukasaun.

“Edukasaun ne'e hanesan raan ida, no ita ema mós presiza rán tanba ne'e Kooperativa laiha edukasaun nia la dezenvolve-an nia la adapta-an ho realidade dezenvolve ne'e rasik”, esplika nia.

Tanba ne'e, Edukasaun sai ramu ida ba dezenvolvimentu, nune'e SEKOOP sei organiza peskadór sira no sei apoiu formasaun ba membru Kooperativa peskadór sira, atu nune'e membru sira hatene buka osan, oinsá atu asegura sira-nia osan, iha sira-nia família liliu ba bele estar família nian.

Nune'e Sekretáriu Estadu Peskas, Elidio de Araújo, liuhusi entre Sekretáriu Estadu Kooperativa no Sekretariu Estadu Peskas hodi fó koñesimentu ba membru husi grupu Kooperativa ne'ebé eziste ona iha Timor liu rihun-ida-atustolu-resin (1.300).

“Protokolu asina entre Sekretáriu Estadu Kooperativa no Sekretáriu Estadu Peskas tanba ita hatene katak ita-nia grupu peskadór sira mak rihun-ida-atustolu-resin iha ona munisípiu hotu no oinsá mak sira-nia produtu ne'e bele to'o iha merkadu tanba sira falta de informasaun falta de koñesimentu entaun liuhusi ita-nia servisu hamutuk entre SEKOOP ho SEP oinsá mak bele fó informasaun ba sira”, afirma nia.

Hodi nune'e bele servisu di'ak liután oin Peskadór sira bele Sustentavel hodi asegura nia família sira.

“Oinsá mak sira bele hamutuk hodi lori sira-nia produtu ne'e ba oin liuhusi Kooperativa tanba ne'e mak ohin asina kooperasaun ida-ne'e tiha hodi servisu mellora di'ak liután hodi hadi’a sira-nia família ho di'ak”, dekalra nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter