Tuir informasaun ne’ebé www.tempotimor.com, asesu iha pájina BTL, tersa (09/08) katak, tékniku sira halo manutensaun ba liña transmisaun ne'ebé estragu ne'e, kauza husi alargamentu estrada nasionál, iha aldeia Buanurak nian, nune'e afeta ba kanu transmisaun bee iha área refere.

Ho atividade manutensaun ne'e, provizoriamente komunidade sira iha Vikeké Villa sei labele asesu ba bee-moos, hafoin normalizasaun remata mak tékniku sira foin bele distribui hikas bee ba konsumidór sira.

Tanba ne’e tékniku sira garante katak, sira sei esforsu to'o lokraik bele finaliza atividade manutensaun ne'e, hodi garante distribuisaun bee ba komunidade sira iha Vikeké.

Tanba ne'e, BTL, E.P Munisípiu Vikeké husu konsumidór sira-nia kompreensaun no pasiénsia atubele hein prosesu reparasaun ne'e to'o remata. (*)