Tuir informasaun ne’ebé www.tempotimor.com, asesu iha pájina MOP, segunda (08/08) katak, kontinua halo inspesaun ba konstrusaun estrada iha Tasitolu.
“Projetu Tasitolu horseik (03/08) ha’u ba haree, progresu la’o kleur oituan tanba agora daudauk ne’e homan besi ida tau bee-dalan ne’e homan manuál entaun ne’e han tempu oituan maibé kuandu ida-ne’e hotu ona, sira cor hotu ona, klaran ne’e mákina mak sei servisu ne’ebé sei lais, maibé koordena ho kompañia no ami-nia tékniku sira katak atu fasilita misa Kardiál ninian iha Tasitolu fulan-Setembru ne’e sei kaber filafali, sei la to’o aspalt mais ne’e kabér ona”, dehasn Ministru Abel.
Ba problema komunidade Tasitolu halerik bee-moos tanba implementasaun projetu ne’e ko’a kotu kanu ne’ebé fornese bee-moos ba komunidade.
“Favór ida fó hatene ba Bee Timor-Leste Empreza Públika (BTL.EP) tanba ne’e ita-nia servisu atu rezolve, laiha projetu ida ke ita halo para kria fali sofrimentu ba ita-nia populasaun sira, maibé dezenvolvimentu ba povu favór fó hatene ami ne’e ami rezolve kedas kedas”, dehan nia.
Ministru Obras Públikas kontinua orienta BTL.EP halo servisu maka’as hodi atende nesesidade komunidade nian tuir kapasidade BTL.EP nian liliu iha área sira ne’ebé hetan problema kona-ba bee-moos. (*)