Login to your account

Username *
Password *
Remember Me

SEKOOP Motiva Suaioan Kontinua Halo Tós no Natar Hasa'e Produsaun Lokál

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Covalima)-Sekretáriu Estadu Kooperativa (SEKOOP), Elizário Ferreira, motiva Covalimaoan atu estimulu ekonomia no motiva populasaun sira kontinua mantein halo tós no halai natar hodi hasa’e produsaun iha rai-laran.

“Objetivu distribui Sesta bázika ida-ne'e atu estimulu ita-nia ekonomia rai-laran liliu atu motiva ita-nia populasaun sira atu nafatin produz”, dehan Elizário Ferreira ba jornalista sira hafoin distribui Sesta Bázika iha Suku Zulo, Postu Administrativu Zumalai, sesta (05/08).

Tanba Governu distribiui sesta bázika ba populasaun hotu ne’ebé rejista iha baze dadus maibé ba sira ne’ebé kada fulan simu saláriu $500 sei la hetan autorizasaun atu asesu.

Administradór Munisípiu Covalima, Francisco de Andrade, gradese ba Governu daualu ne’ebé  implementa programa Sesta Bázika ba faze daruak.

“Ha’u hato’o agradese ba ita-nia Governu bainhira fó prióridade hodi implementa polítika sesta bázika ne’ebé halo distribuisaun ba faze daruak ona”, dehan nia.

Razaun hato’o agradese ba Governu, tanba Governu hatene situasaun povu sira ne’ebé enfrenta iha baze nune’e ho programa  liuhusi distribuisaun sesta bázika fó mós motivasaun ba povu sira atu halai natar no halo toos.

Diretór  Kompaña Aitula, Siveiro Ferreira Maubere reforsa kompaña Governu halo ona distribuisaun Sesta Bázika ba populasaun sira , iha Suku Zulo, Postu  Zumalai hamutuk 15,161.

“Ohin loron ita-nia Sekretáriu Estadu lansa sesta bázika iha Suku Zulo Postu Zumalai benefisiáriu hotu hamutuk na’in-15,16”, informa nia.

Kompaña Aitula distribui sesta bázika ba populasaun ho item sira hanesan, fós mutin kilograma 6, fós-mean kilograma ida, fore-rai, mina nu’u virjen, masimidar, kafee u’ut, masin, sabaun deterjen húsi item sira ne’e protudu lokál 81% no produtu importadu 19%.

“Molok kompaña atu distibui, halo ona preparasaun ba benefisiáriu 15.15.161, ita halibur de’it mak karau ne’ebé husi postu Zumalai rasik oho hodi distribui na’an fresku ba benefisiáriu sira”, haktenik nia.

Benefisiáriu Sesta Bázika,Anato Nascimento, nia parte agradese tanba Governu distribui tan hahán liuhusi Programa Nasionál Sesta Bázika ba komunidade sira maske tinan kotuk la hetan.

“Ohin loron grasas ba Maromak, ami kontente tanba ohin ita-nia Governu sira mai fahe hahán ba ami, no ami agradese ba boot sira, ami kontente tebetebes ami, simu atu to'o ka la to'o mós ami agradese nafatin”, afirma nia.

Tanba antes implementa programa Sesta Bázika, polulasaun sira la fa’an fós-rai iha estrada ninin maibé Governu nia polítika distribuisaun sesta bázika populasaun fa’an fós rai iha estrada ninin ho nune’e autoridade mós husu populasaun sira atu enkoraja malu hodi halai natar no halo toos hodi hasa’e produsaun iha rai-laran. (*)

Rate this item
(0 votes)
Last modified on Monday, 08 August 2022 13:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter