Login to your account

Username *
Password *
Remember Me

Komunidade ‘La Konkorda’ Kompaña Distribuidór Fahe Produtu Lokál Husi Maubisse

Benefisiária Maubisse Vila, Ines Mendonça. Benefisiária Maubisse Vila, Ines Mendonça. Foto Tempo Timor

Tempotimor (Ainaro)-Komunidade Maubisse Vila nu’udar mós benefisiáriu ba Programa Nasionál Sesta Bázika, Ines Mendonca, la konkorda kompaña manán na’in RJL Brother Unipessoal hola fali iha Maubisse laran hodi fahe filafali ba komunidade sira.

“Ha’u hakarak hateten de’it katak distribuisaun Sesta Bázika iha fatin ida-ne’e ami la satisfas, problema ne’ebé ami enfrenta liu mak mina, tanba saida maka fó fali talas, ai-farina, fehuk, repollu buat sira ne’e povu kria rasik ona, agora fó beibeik de’it kontas talas repollu ne’e, sira ne’e iha ami-nia to’os rasik iha, haree ema enfrenta hela saida fó mak buat saida ema enfrenta hela ne’e”, deklara nia hafoin simu Produtu Lokál sira husi Sekretáriu Estadu Kooperativa (SEKOOP) hamutuk kompaña manán na’in RJL Brother Unipessoal iha sede Suku Maubisse Vila, Ainaro, kinta (04/08).

Tanba ne’e, sujere atu fahe produtu sira ne’ebé mak komunidade Maubisse rasik seidauk kria iha sira-nia suku rasik, hanesan mina, masin midar no seluk tan.

“Fó fali hanesan mina sira ne’e, buat sira ne’ebé mak laiha ami-nia suku, no fó buat sira ne’ebé mak ami nunka hatene halo, postu Administrativu Maubisse ne'e araska tebetebes ba mina ho pressu ida montante boot tebes ne'e, fó karik, hanesan masin midar, mina lalika fó fali fehuk talas repollu sira ne’e, ne’e ami fó hán fahi, ida-ne’e de’it mak ha’u hato’o”, informa nia.

Durante loron tomak forma iha loron manas, labele hatun komunidade no dignidade maibé halo komunidade ho laran kontente.

Nune’e Jerente Kompaña RJL Brother Unipessoal Lda, Rogeiro Perreira hatete, durante ne’e sosa de’it komunidade sira-nia produtu lokál iha Maubisse rasik no iha balun mak sosa husi Munisípiu seluk.

“Rinso, sabaun, ne’e mak importadu restu ne'e produtu lokál, até repollu ami sosa de’it sira-nia to'os hotu kedas, se la to'o ami borong hotu iha merkadu laran mós bele parese la to'o ne'e parese atus-rua ka tolu-resin de’it, tanba to’os sira iha Maubisse laran ne’e ami sosa hotu kedas”,  dehan nia.

Ba produtu seluk ne’ebé hola iha Munisípiu seluk hodi fahe ba benefisiáriu sira iha Maubisse mak hanesan koto, fós, fore rai husi Maliana, produtu sira ne’e armajen SEKOOP rasik ba haree inklui AIFAESA, KAK no PDHJ.

Orsamentu ne’ebé mak kompaña distribuidór utiliza sosa produtu sira totál hamutuk rihun $793 hodi fahe ba aldeia tolu iha Suku Maubisse Vvila hanesan, aldeia Sarlala, Hatufae, Aldeia Maubisse vila, ho nia populasaun hamutuk 2.257. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter