Login to your account

Username *
Password *
Remember Me

DNTT Baukau Lansa Intelijen ba Transporte Públiku

Diretór DNTT Munisípiu Baukau, Roberto da Cruz. Diretór DNTT Munisípiu Baukau, Roberto da Cruz. Foto Tomas Freitas

Tempotimor (Baukau)-Diresaun Nasionál Transporte Terestre (DNTT) Baukau, lansa ona ékipa intelijen akomapaña transporte públiku ne'ebé simu ona subsídiu husi Governu, tanba informasaun esplla iha públiku transporte públiku diresaun Dili-Baukau kontinua kobra kada pasajeiru US$5.00.

"Ami nia ékipa agora la'o hamutuk hela ho pasajeiru sira, karik sira uza nafatin (kobra pasajeiru US$5.00) sei fó sansaun, iha (Baukau laran) de'it mós iha," dehan Diretór DNTT Baukau, Roberto da Cruz iha resintu Administrasaun Munisípiu Baukau, kinta (04/08).

 Bainhira ékipa detekta kondutór sira kontinua kobra kada pasajeiru Dili-Baukau selu US$5.00 mak DNTT sei foti medida hanesan hasai karta konduzaun husi sistema DNTT nian inklui selu multa US$100.000 to'o US$500.000, maibé na'in ba transporte mak haruka kundotór sira kontinua halo nune'e, DNTT sei kansella lisensa transporte inklui selu multa husi US$100.000 to'o US$500.000 tuir diploma ministérial ne'ebé haruka ona ba DNTT.

Nune’e, husu ba pasajeiru sira, atu hato’o keixa ba DNTT, bainhira kundotór sira tenta kobra US$5.00, tanba transporte públiku sira simu ona subsídiu kombustível litru-150 husi Governu.

"Folin mina sa'e sira demo, maibé agora mina iha ona, tanba saida (tarefa pasajeiru) sa'e nafatin," afirma nia

DNTT hahú lansa kupon kombustível ba transporte públiku iha loron 26 fulan-jullu tinan-2022, mikrolete hamutuk 254, angunan 35 inklui bus 51 kada transporte hetan kombustível litru-150.

"Restu karik karreta mak aat la mai, balun karreta fa’an tiha ona ba ema seluk, balun dokumentus mate, entaun sira labele hetan, sira ne'ebé la mai enxe mina automatikamente fulan kotuk sira nia direitu lakon, maibé karik mai tán lori sira nia dokumentus mai para hetan," nia hatete

Enkuantu kritéria ne'ebé antes ne'e DNTT aplika ba transporte públiku atu hetan subsídiu kombustível hanesan foto kopia karta konduzaun kundotór sira nian valídu, kartaun eleitóral na'in ba transporte, lisensa tranjéktu valídu, inspéksaun valídu, inklui kartaun eleitóral kundotór nian tahan ida. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter