Login to your account

Username *
Password *
Remember Me

Governu Kontinua Esforsu Rezolve Kampu Greater Sunrise

Ministru Petroleu no Minarai (MPM), Victor da Conceição Soares. Ministru Petroleu no Minarai (MPM), Victor da Conceição Soares. Foto Suplay

Tempotimor (Dili)-Ministru Petroleu no Minarai (MPM), Victor da Conceição Soares hatete, dadaun ne'e Governu kontinua esforsu ho seriedade atu rezolve problema dezenvolvimentu Greater Sunrise Timor-Leste nian.

“Purtantu, ita haree katak Governu agora iha seriedade para atubele rezolve problema Greater sunrise durante tempu naruk”, dehan nia hafoin audénsia ho Prezidente Repúblika, José Ramos Horta iha Palásiu Prezidensiál, Bairo Pite, segunda (01/08).

Dadaun ne'e Timor-Leste hasoru hela situasaun liliu haree kampu Bayu undan ne'ebé termina ona no tenke fó prioridade no atensaun atu aselera Kampu Greater Sunrise nune'e halo dezenvolvimentu.

Tanba situasaun kampu Greater Sunrise sai hanesan mós dúvida ba Prezidente Repúblika (PR), José Ramos Horta, nune'e Xefe Estadu konvida Ministeriu Petróleo no Minerál ho Autoridade Nasionál Petróleo no Minarai inklui Timor Gap hodi fó esplikasaun ba Prezidente Repúblika.

“Ohin Prezidente Repúblika bolu, ami mai iha-ne'e, ho Prezidente Timor Gap no ANPM atu mai, Prezidente iha dúvida balun relasaun ho progressu iha setór petroleu minarai mais ohin husu liliu ba dezenvolvimentu Greater Sunrise, halo nusa ona, ida-ne'e mak ohin ko'alia”, afirma nia.

Durante audénsia MPM mós atualiza kona-ba diskusaun dokumentu entre Governu Timor-Leste ho Governu Austrália liga ba progressu ne'ebé tuir kalendáriu sei konklui iha fulan-novembru 2022.

“Purtantu Prezidente ohin husu tuir situasaun sira ne’e e ha'u hanoin progresu no negosiasaun la'o di'ak hotu e pozisaun Timor-Leste nian klaru kona-ba oinsá kadoras ba ne'ebé e konserteza ke durante ne'e ita ko'alia kona-ba kadoras mai iha Timor-Leste”, hatete nia.

Maske iha Partidu Polítiku balun kontra kadoras mai Timor-Leste maibé ida-ne'e la'ós sai razaun polítika de'it, polítika ne'e partidu polítiku ida kontra kadoras mai Timor-Leste mós iha razaun tékniku viabilidade, tékniku komersiál ho ekonómiku.

“Tantu informasaun sira ne'e husi ANPM no Timor Gap fundamenta ona katak estúdu viabilidade fundamentu sira ne'e permite katak kadoras atu mai iha-ne'e. e Prezidente como dúvida ida-ne'e, ne'e mak ohin ami mai fó esplikasaun ba Prezidente atu nune'e Prezidente bele kontinua hanesan Xefe Estadu atu ko'alia ba públiku pozisaun Timor-Leste nian”, katak nia.

Nu’udar Xefe Estadu hakarak buka hatene saida mak nia sente no dúvida tanba ne'e mensajen balun ne'ebé Prezidente Repúblika fó katak Governu presiza ba vizita iha Indonézia, tanba iha intrese balun ne'ebé presiza trata.

“Riku-soin ne'ebé iha Indonézia nia parte e iha ita-nia ho Austrália nian oinsá futuru nasaun rua (Austrália-Indonezia) ne'ebé ita-nia vizinu oin-kotuk, ita tenke servisu hamutuk ho sira atu dezenvolve interese nasaun tolu ne'ebé iha”, informa nia.

Tanba ne'e, ideia ne'ebé maihusi Xefe Estadu ne'e hanesan ai-mahon boot ida ba Estadu ida nian ne'ebé regularmente kuandu nia presiza informasaun ruma, mak Governu tenke mai breefing nafatin atu Xefe Estadu sente atualizadu ka informadu ho situasaun sira-ne'ebe iha.

Ba kalendáriu diskusaun dokumentu ne'ebé iha sei termina iha fulan-novembru 2022 tanba ne'e Governu Timor-Leste ho Austrália nafatin iha diskusaun sira-ne'e besik termina no sei iha asina akordu no aprova dokumentu sira iha diskusaun.

“Purtantu tama ona ba faze seluk ita bolu dezenvolvimentu do kampu, ne'e orsida Timor Gap hanesan ita-nia share ne'ebé boot liu, (56,56%) ho Woodside hanesan operadór ho mós Osaka Gas e sira sei ko'alia hamutuk para ko'alia kona-ba planu dezenvolvimentu”, esplika nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter