Login to your account

Username *
Password *
Remember Me

SEKOOP Husu Grupu Foinsa'e Agrikultór iha Manufahi Forma Kooperativa

Sekretáriu Estadu Kooperativa (SEKOOP), Elizário Ferreira, partisipa hela serimonia fahe trator-liman ba Grupu agrukultor sira. Sekretáriu Estadu Kooperativa (SEKOOP), Elizário Ferreira, partisipa hela serimonia fahe trator-liman ba Grupu agrukultor sira. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira, husu Grupu Foinsa'e Agrikultór sira ne'ebé mak hamahon-an iha Conservasaun Agricultura (CA) Manufahi ninian atu transforma-an sai Kooperativas hodi nune'e asegura sustentabilidade ba futuru.

“Ha’u fó parabéns ba ita-boot sira tanba mesak joven de’it ne'ebé mak envole-an iha Grupu ne'e, parte Sekretáriu Estadu Kooperativa prontu fasilita formasaun, edukasaun, estabelese Kooperativa hodi asegura sustentabilidade finanseira, sustentabilidade ekonómikus hodi asegura Grupu ninia sustentabilidade, inklui mós buka merkadu ba produtór sira hodi fa’an sira produtu”, dehan Elizário Ferreira liuhusi informasaun ne’ebé www.tempotimor.com, asesu iha pájina SEKOOP, domingu (31/07).

Vise Ministru Agrikultura no Peskas, Abilio Xavier de Araújo hatete, mákina tratór-liman kompletu ho karosa no ruller ne'e, sentru formasaun Dom Bosco ho kompaña Bendix mak produz iha rai laran, distribui ba grúpu agrikultur sira ba implementasaun programa conservasaun agricultor (CA) iha Munisípiu 7 hanesan Manufahi, Lautein, Manatuto, Vikeké, Covalima, Ainaro, no Baukau.Nune'e mós reprezentante  FAO iha Timor-Leste no Indonézia, Aryal Rajendra hatete, Uniaun Europeia apoiu funduz liuhusi FAO apoiu agrikultór sira iha Timor-Leste, hodi dezenvolve konservasaun agrikultur, hasa'e produsaun agrikultur iha rai laran ba sustentabilidade ai-hán, liliu apoiu ba programa merenda Eskolar hasa'e nutrisaun ba alunu oan sira, hodi respónde ba krize funu mundiál entre Ukraina no Rusia ne'ebé fo impaktu ba mundu inklui Timor-Leste.

Entertantu mákina tratór-liman, karósa no Roller hamutuk unidade 55 ba grúpu foinsa'e  agricultur 10 husi Munisípiu 7, Manufahi, Lautain, Manatuto, Vikeké, Covalima, Ainaro, no Baukau, ne'ebé realiza iha sentru formasaun Betano Postu Administrativu Same, Munisípiu Manufahi.

Mákina tratór-liman kompletu ruller no karósa ne'e, grupu agrikultur sira kréditu, ho folin Dollar Amérikanu $ 2,000,00 resin, grupu agrikultór sira selu Dollar Amérikanu $1,400.00 restu FAO mak selu ba kompaña. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter