Tanba distribuisaun ai-hán sesta bázika evolve produtu lokál ho pursentu 75, atu garante nutrisaun di'ak ba komunidade iha teritóriu nasionál.
“Sim iha komposizaun por-menores iha detallu husi dekretu-lei ne'eba Governu fó sai katak, entermus nutrisaun ita tau kedas iha ne'eba karbohidratu pursentu hira, proteina hira ita tau kedas iha ne'eba, kada distribuisaun tenke iha”, dehan Ministru José Lucas do Carmo da Silva ba www.tempotimor.com iha Fatumaka-Gariuai, sábadu (30/07)
Tanba ne'e, produtu ba programa sesta Bázika, Governu rekomenda ba empreza sira atu distribui ba populasaun iha teritóriu nasionál pursentu 75 ho produtu lokál kompostu husi fós no batar ne'ebé produz iha rai laran, na’an produsaun husi animal rai laran, inklui modo sira ne'ebé mak tós na'in sira produz iha rai laran.
“Husi totál produtu sira ne'e hotu, iha ne'eba Governu dehan kontratu 75 pursentu mai husi produtu lokál, iha mós produtu balun ne'ebé la'ós produto lokál, katak produtu ne'ebé ita seidauk produz iha rai laran”, dehan nia.
Iha distribuisaun sesta Bázika faze daruak ne'e, MTKI distribui ona pur-volta 33.600 benefisiáriu ho pursentu 5, kada benefisiáriu mantein US$50. (*)
