Tuir informasaun ne’ebé www.tempotimor.com, asesu iha pájina MTKI, sábadu (30/07) katak, iha aprezentasaun ne'e peskizadór ho nia ekipa relata katak sira sei hala’o peskiza Suku 5 iha Ataúru hanesan, Suku Beloi, Maumeta vila, Biqueli, Maquili, no Makadadi, tanba Suku sira ne'e tama iha área potensia eko-turizmu.
Iha sorumutu ne’e mós Vise Ministra Inacia hatete, dadus ne’ebé peskizadór sira rekolha labele konsentra de’it iha poténsia tasi nian.
Maibé haree mós ba poténsia no produtu foho nian, no husu atu envolve mós parseria dezenvolvimentu setór privadu no komunidade lokál nia hanoin no ideia hodi dezenvolve setór eko-turizmu iha Ataúru.
Partisipa iha enkontru ne’e Diretór nasionál, Asesór, Xefe Departmentu no ekipa tékniku Diresaun sira. (*)