“Fundu kafe ne'e hanoin ne'ebé mak di'ak lá halimar tanba ita-nia kafé ne'e ita bele sai kafé na'in mais depois de ita produz ne'e ita-nia kafé na'in ki'ak nafatin. Entaun baralla husi merkadu internasionál entaun ideia ne'ebé maihusi na'i-prezidente ho Primeiru Ministru halo fundu kafé atu nune'e kafé folin merkadu iha mundu nian monu, estadu tenke sosa hotu tau iha armajenamentu hotu depois haree folin di'ak fali mak estadu foin fó sai”, dehan Ministru Pedro hafoin audénsia ho PR Horta iha Palásiu Prezidensiál, Bairo Pite, sesta (29/07).
Ba hanoin ida-ne'e, mak Membru Governu na'in husi Ministrériu Agrikultura no Peska inklui mós Sekretáriu Estadu ho ninia Diresaun Jerál sira, simu konvite husi Prezidente Repúblika hodi mai halo Koordenasaun servisu ne'ebé mak interligadu ho atividade jerál agrikultura ninian.
“E ita sita liu atividade ne'ebé mak foin lalais iha semana hira liuba ita halo iha rai laran e planu kontinuasaun ba futuru ne'ebé mak sei mai tan ba Aileu, Ainaru nomós planu atividade sira seluk ne'ebé adjusta hamutuk ho hanoin ne'ebé na'i-prezidente nian ba futuru”, hatete nia.
Tanba atividade ne'ebé mak ko’alia ne'e kona-ba halo reabilitasaun ba kafé liga ba Orsamentu Retifikativu ne'ebé mak MAP propoin inklui liga mós ba hanoin ne'ebé Prezidente Repúblika fó sai kona-ba fundu kafé.
“Entaun hanesan Ministériu tékniku presiza halo Koordenasaun di'ak tanba ideia husi Prezidénsia atu implementa ne'e Ministeriu tékniku mak tenke implementa”, afima nia. (*)