“Termus Empréstimu husi Internationál Development Association (IDA) ho montante millaun $121 ne’e baratu liu, kuaze besik 53% duke ita ba foti osan husi ita-nia Fundu Minarai. Aseitasaun husi Banku Mundiál hodi konkorda ho funan ki’ik ne’e enkaisa bem ho benefisiu sosiál no impaktu ne’ebé mak Projetu ne’e sei halo hodi reduz pobreza iha área Díli parte leste”, dehan nia iha pájina ofisiál Ministériu Finansas ne’ebé www.tempotimor.com asesu, sesta (29/07).

Antes ne'e, Konsellu Ministrus delibera ona hodi autoriza Ministru Finansas, Rui Augusto Gomes, atu selebra akordu Finansiamentu ho Banku Mundiál (Asosiasaun Internasionál Dezenvolvimentu) ba projetu fornesimentu bee iha Dili.

Akordu ida-ne’e ho objetivu atu halo kontratasaun empréstimu ida ho valór besik dolar amerikanu millaun 121, ho períodu maturidade tinan 40, hodi finansia projetu fornesimentu bee iha Dili. 

Programa ne’e sei dezenvolve liuhusi finansiamentu ho durasaun tinan hitu (7) no komponente tolu, ba komponente dahuluk refere ba dezenvolvimentu infraestrutura sira abastesimentu bee nian, komponente daruak nian kona-ba hadi’a kapasidade institusionál servisu sira ba setór ida-ne’e no datoluk hadi’a jestaun projetu sira. (*)