“Agora atu hatete kona-ba manu ne'ebé mak hatama, tanba sá mak ami hatama tanba ema futu manu iha-ne'e rame loos mais ema la haki'ak manu madena entaun ami loke odamatan para ema hatama legál atu nune'e Ministériu bele halo ninia servisu para haree keta ema lori peste ruma karik ami-nia tékniku Departamentu Pekuaria no Veterináriu, e sira mós bele kontribui taxa ba Estadu”, dehan nia hafoin audénsia ho Prezidente Repúblika, José Ramos Horta iha Palásiu Prezidensial Bairo Pite, sesta (29/07).

Dadaun ne’e estadu aprova ona arte marsiál PSHT ne’ebé hasae warga iha Timor-Leste ne'ebé besik Ema rihun-ruanulu-resintolu (1.023), tanba presiza hela manu aman.

Tanba ne'e hanoin importasaun Manu-Madena ne'e sei f’o rendimentu barak ba estadu maibé husu kona-ba totál rendimentu hirak mak agora dadaun rekolla ne'e nu’udar Membru Governu labele ko'alia direta maibé presiza ba Konfirma iha edifísiu atubele hatene totál montante.

Dadauk dekretu-lei ne'ebe ko'alia kona-ba Sanitária no Fitosanitária nian (SPS), to'o agora sei la'o, ne'ebé fó importadór sira atu hatama manu madena mai Timor-Leste.

“Ami haree ba sasán sira ne'ebé mak kobre ba nesesidade povu nian ita labele lori de'it kesi ita-nia ain klo'ot mais ne'ebé mak ita bele responde para ema bele moris ita tenke halo. Ami iha ijin premit ida husi kuarentina ami fó, tanba ne'ebá dekretu-lei mós fó dalan katak sasán sira ne'ebé tuir nesesidade, ita bele halo, ita tenke halo”, esplika nia.

MAP mós konvida jornalista sira atu ba buka hatene dekretu-lei ne'ebé mak regula kona-ba atividade importasaun manu-madena husi rai-liur iha Gabinete Ministru Agrikultura no Peska.

“Depois ita-boot iha tempu bele ba, tanba ha'u hanesan ema polítika ha'u la lembra númeru ne'e hira, ita-boot ba ne'ebá depois ita ko'alia”, hatete nia. (*)