Login to your account

Username *
Password *
Remember Me

AIFAESA Komemora Aniversáriu ba Dala-VI, Tomada Posse ba Funsionáriu Kazual

Autoridade Inspesaun no Fiskalizasaun Atividade Ekonómika, Sanitária no Alimentar (AIFAESA, I.P) realiza serimónia tomada de pose ba funsionáriu kazual. Autoridade Inspesaun no Fiskalizasaun Atividade Ekonómika, Sanitária no Alimentar (AIFAESA, I.P) realiza serimónia tomada de pose ba funsionáriu kazual. Foto Suplay

Tempotimor (Dili)-Autoridade Inspesaun no Fiskalizasaun Atividade Ekonómika, Sanitária no Alimentar (AIFAESA, I.P) realiza serimónia tomada de pose ba funsionáriu kazual rekrutadu nomós komemorasaun loron aniversáriu ba dala VI ezisténsia AIFAESA nian.

Tuir informasaun ne’ebé www.tempotimor.com, asesu iha pájina AIFAESA, kinta (28/07) katak, serimónia ne'ebé hala'o iha salaun Delta Nova ne'e hahú ho intervensaun hosi Sub-Inspetór Jerál, Dionisio Neto da Silva hanesan prezidente juri ba rekrutamentu funsionáriu foun hanesan mós koordenadór komisaun organizadora, relata kona-ba prosesu rekrutamentu ne'ebé hala'o hosi komisaun hahu husi koordenasaun servisu ho Komisaun Funsaun Públika, anúnsiu konkursu, simu dokumentu aplikante to faze intrevista nian.

Iha anúnsiu konkursu ne'e komisaun simu dokumentu aplikante sira-nian hamutuk 346, no liuhusi avaliasaun hamutuk ema 207 mak pasa ba faze eskrita no rekefente hamutuk 179 mak la pasa.

Enkuantu ema hamutuk 71 mak pasa ba intrevista no 136 mak la pasa, nune'e rezulta ema na’in-10 mak klasifikadu.

Inspetór Jerál AIFAESA, Ernesto Monteiro hatete, selebrasaun aniversáriu AIFAESA ba dala-VI no pose ba funsionáriu foun na’in-10.

Entidade inspetiva ne'e, tinan VI ona ba AIFAESA maibé atividade inspesaun ne'e rasik hala'o ona no hatutan husi AIFAESA ba garantia seguransa alimentár.

AIFAESA iha kooperasaun di'ak tebes ho instituisaun sira hanesan PNTL, MTKI, Ministériu Saude, Ministériu Agrikuktura no Peska no seluk tan hodi ezerse funsaun hanesan inspetiva.

Tanba ne’e, presiza reforsa mós lei sira ba servisu AIFAESA nian hanesan Lei Turízmu, Metrolojia no Padronizasaun nian hodi bele garante liután servisu operasionál.

Nune'e Inspetór Jerál, apela mós ba funsionáriu emposadu sira atu apoiu servisu ho profesionál iha AIFAESA tuir ida-idak nia kapasidade ne'ebé iha, sei la halo polítika pesoal, partidária iha instituisaun laran, hakruk ba lei hodi alkansa instituisaun nia objetivu.

Diretór Jerál Komersiu, Cosme de Fatima da Silva, ne'ebé reprezenta mós Ministériu Koordenadór Asuntu Ekonomia (MKAE) iha serimónia ne'e hatete, AIFAESA hanesan instituisaun ne'ebé iha papél importante tanba ne'e servisu ho responsabilidade, integridade no imparsialidade.

Partisipa iha serimónia ne'e, Diretora Veternária, reprezentante husi Laboratóriu Nasionál Saúde, Prezidente IQTL, Prezidente CLN, Inspetór Jerál Traballu, Komisária Komisaun Funsaun Públika, PNTL, Diretór Jerál Komérsiu, no Instituisau relevante sira seluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter