Tuir informasaun ne’ebé www.tempotimor.com, asesu iha pájina MTKI, kuarta (27/07) katak, aktividade ne’e raliza tanba MTKI servisu hamutuk ho Instituto de Apoio ao Desenvolvimento Empresarial (IADE) husi Centro Desenvolvimento Empresarial-CDE Munisípiu Likisá, iha salaun Centro Indústria Artezenatos-CIAT Maubara.

Objetivu husi aktividade ne’e atu Micro Pequenas Emprezas ne’ebé eziste iha Postu Administrativu Maubara prepara-an no elabora Planu Negósiu hodi prienxe rekezitu atu asesu ba kréditu funan ki’ik pursentu tolu (3%) ne’ebé Governu daualu oferese liuhusi Fasilidade Garantia Kréditu suave.

Tanba IADE liuhusi CDE Likisá sempre pronto atu fó apoiu formasaun no kapasitasaun atu hetan kapasidade kona-ba jestaun negósiu inklui hetan kapasidade kona-ba elabora planu negósiu hodi asesu ba kréditu funan ki’ik 3%.

Nune’e Governu Konstitusionál daualu liuhusi MTKI implementa Programa Fasilidade Garantia Kreditu suave 3% atu fó biban ba emprezáriu ki’ik sira bele finanseira atu haforsa kapitál investimentu no Kapitál servisu negósiu nian.

Tanba atu asesu ba Kréditu funan ki’ik 3% presiza prienxe rekezitu sira ne’ebé importante ida mak Planu Negósiu.

Nune’e aporveita oportunidade formasaun ne’ebé durante loron 5 ne’e, bele aprende oinsá atu elabora planu negósiu no espera iha fulan tuir mai MTKI bele simu ona proposta ruma husi emprezáriu ki’ik sira husi Maubara atu asesu kréditu funan ki’ik 3%.

Emprezáriu ne’ebé partisipa iha formasaun ne’e hamutuk 20 (feto 6 no mane 14), formasaun ne’e hahú dia 25 to’o 29 Jullu 2022. (*)