Tuir informasaun ne’ebé www.tempotimor.com , asesu iha pájina AIFAESA, tersa (26/07) katak, Inspesaun ne’ebé realiza iha Postu Administrativu Dom Aleixo, área Aimutin, inspetór sira deskobre irregularidade hosi estabelesimentu YUSHI, Lda ne’ebé sei komersializa produtu liu ona prazu.

Produtu refere mak hanesan “Tepung Gula Halus” ho plástiku hamutuk tolunolu-resin haat (34), ne’ebé nia loron validade kaduka ona iha marsu 2022.

Enkuantu ekipa inspetór sira deteta, loza refere halo manipulasaun ba data validade hodi hakerek rasik ba tinan validade husi 2022 ba 2023.

Nune’e Inspetór responsável, sei foti medida hasoru asaun irregularidade ida-ne’e tuir prosedimentu legál ne'ebé iha no toma sansaun ne'ebé mak rigorozu.

Aleinde ne’e mós, ekipa operasaun kontinua intensifika inspesaun no fiskalizasaun ba estabelesimentu sira ho toál estabelesimentu inspesionadu hamutuk neen (6). (*)