Print this page

MTKI Apoiu Osan $4.950 ba Parokia Maubisse Selebra Festa Padroeira

Osan Dolar ne'ebe MTKI apoiu ba selebra festa Padroeira Imaculada Coração de Maria. Osan Dolar ne'ebe MTKI apoiu ba selebra festa Padroeira Imaculada Coração de Maria. Foto Espesial

Tempotimor (Dili)-Ministériu Turizmu, Komérsiu no Indústria (MTKI) apoiu orsamentu ho montante $4.950 ba Parokia Maubisse hodi selebra festa Padroeira Imaculada Coração de Maria no festa kultural Fahi ulun, ne'ebé kada tinan sarani Maubisse selebra.

Tuir informasaun ne’ebé www.tempotimor.com asesu iha pájina MTKI, segunda (25/07) katak, Parokia Imaculada Coração de Maria Maubisse ejiste iha Deoseze de Dili halo ona tinan tolunolu-resin-sia (39).

Iha selebrasaun ne’e, Arkebispu Deoseze de Dili, Dom. Vergilio do Carmo da Silva, SDB mak prezide, hodi hatete atividade selebrasaun nu’udar simblu unidade sarani Maubisse nian.

Tanba festa padroeira ne’e atu halibur sarani sira-nia unidade, halibur sarani sira atu agradese Maromak ba nia di’ak tomak ne'ebé akompaña ona ema ida-idak iha parokia nia laran.

“Festa ida-ne’e atu halibur sarani sira iha tinan ida dala ida hodi hametin unidade no agardese ba maromak, tanba Maromak akompaña ona ita iha ida-idak nia estasaun ka ida-idak nia fatin”, dehan Arkebispu Deoseze de Dili, Dom. Vergilio do Carmo da Silva.

Iha selebrasaun ne’e sarani hamutuk atuasrua-resin mak simu sakramentu Krisma.

Hafoin missa Arkebispu hamutuk ho Padre, Madre, Administradór Postu Maubisse Villa no sarani sira kontinua ho festa fahi ulun nian, ne’ebé akompaña mós husi Xefe Gabineti MTKI, Maénio Calado no Diretór sira.

Iha festa fahi ulun ne’e Reprezentante Governu no Autoridade Igreja no komunidade sira hán hamutuk tuir lisan no kultura Timor-Leste, liliu Kultura no lisan Maubisse nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items