Login to your account

Username *
Password *
Remember Me

EUA Apoiu US$400.000 ba UNICEF Halo Espansaun Hatan ba COVID-19

Emblema MInisteriu Saude, USAID no UNICEF. Emblema MInisteriu Saude, USAID no UNICEF. Foto Espesial

Tempotimor (Dili)-Estadus Unidus Amerika (EUA) liuhusi Ajensia Internasional Dezenvolvimentu (USAID) anunisia doasaun adisionál hamutuk $400.000 ba Fundu Nasaun Unidas ba Labarik sira (UNICEF) ba espansaun apoiu konjunta nasionál Timor-Leste atu hatan ba COVID-19.

Ba anunsiu ne’e fó sai husi USAID-nia Ditora Misaun, Zema Semunegus, no Enkaregadu Reprezentante País UNICEF, Emmanuelle Collet, iha ambitu selebrasaun Loron Nasionál Saúde iha munisípiu Ainaru.

Doasaun $400.000 ne’e sei ajuda espande hela ona apoiu intervensaun sira inkluindu kontinuasaun servisu esensiál maternál, neonatal no infantil iha país laran tomak; kampaña vasinasaun COVID-19 ba pupolasaun ilejivel sira; no hadiak prevensaun infesaun no kontrolu adisionál iha sentru saúde komunitária (CHC) sira.

“Ohin loron, ha’u onrada tebes atu anunsia doasaun $400.000 asisténsia ba COVID-19 husi povu Amerikanu. To’o ohin loron, USAID fornese ona millaun $6,8 ba UNICEF no USAID-nia Atividade Sustentabilidade SistemaSaude apoiu atu hatan COVID-19 iha Timor-Leste”, dehan Ditora Misaun, Zema Semunegus.

Finansiamentu ne’e foka liuba komunikasaun risku no envolvimentu komunidade, prevensaun infesaun no kontrolu, no espansaun kapasidade bee no saneamentu iha komunidade sira ho risku aas.

Iha esforsu krítiku sira seluk inklui fortalesimentu kolesaun no análiza dadus hodi mellora hatan jerál emerjénsia ba COVID-19.

Tanba fiansiamentu ne’e mós apoia kontinuasaun servisu esensiál saúde maternál, neonatal no infantil iha país laran tomak. Finansiamentu ne’e mós espande kampaña vasinasaun COVID-19 ba populasaun ilejivel sira, hadiak prevensaun no kontrolu infesaun iha sentru saúde komunitária balun.

Hahú husi tinan 2020, USAID no UNICEF servisu hamutuk ona ho Ministériu Saúde kona-ba melloramentu fasilidade bee, saneamentu no ijiene (BESI) sira iha sentru saúde komunitária 30 iha munisípiu lima no konsientizasaun kona-ba prevensaun COVID-19 no implementasaun vasina, inklui liuhusi implementasaun envolvimentu koordenadór kumunitária sira iha munisípiu ida-idak.

Iha-ne’e, USAID mós fornese pakote prevensaun kontrolu infesaun (IPC) iha sentru saúde 15. Hala’o hela melloramentu fasilidade BESI iha Sentru Saúde Komunitária 13 iha munisípiu lima.

Ministra Saúde (MS), Odete Maria Freitas Belo, hatete apou fornese ona husi USAID ho UNICEF mak esforsu hatan ba COVID-19 ne’ebé krítiku, ajuda prevene propagasaun COVID-19, trata ema sira enfetadu husi vírus, no garante kontinuasaun servisu saúde esensiál sira, liuhusi mantein profesionál saúde sira seguru durante pandemia.

Enkaregada Reprezentante País UNICEF, Emmanuelle Collet hatete, asaun konjunta ne’ebé halo hanesan  save atu mantein labarik no família sira seguru husi COVID-19.

 “Ami-nia asaun konjunta sira mak xave atu matein labarik no família sira seguru husi COVID-19 no moras sira seluk, no iha tempu hanesan fortalese sistema saude atubele hasoru krize ne’e ho di’ak, no hatan ba populasaun Timor-Leste nia nesesidade sira, partikularmente feto no labarik sira”, dehan Emmanuelle Collet.

Ho finansiamentu ne’e, totál kontribuisaun ba UNICEF atu hatan ba COVID-19 iha Timor-Leste to’o ohin loron hamutuk millaun $2,9 ba faze haat, hahú husi $500.000 iha 2020, millaun $1,5 iha 2021, $500.000 iha fulan-maiu 2022 no $400.000 iha fulan-jullu 2022.  (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter