Login to your account

Username *
Password *
Remember Me

Segunda, DNTT Baukau Fahe Kupon Mina ba Transporte Públiku

Diretór DNTT Munisípiu Baukau, Roberto da Cruz, ko'alia hela ba media iha kna'ar fatin Uatelete Baukau, kinta (21/07). Diretór DNTT Munisípiu Baukau, Roberto da Cruz, ko'alia hela ba media iha kna'ar fatin Uatelete Baukau, kinta (21/07). Foto Tomas Freitas

Tempotimor (Baukau)-Diresaun Nasionál Transporte Terrestre (DNTT) Munisípiu Baukau sei distribui kupon mina litru-150 ba transporte públiku 250, loron segunda (25/07/2022).

Tanba ne’e, husu ba motorista sira atu prepara dokumentus hanesan foto kopia karta kondusaun valídu, kartaun eleitóral, na'in ba transporte nia kartaun eleitóral, lisensa tranjéktu valídu no inspéksaun valídu.

Diretór DNTT Munisípiu Baukau, Roberto da Cruz, informa, subsídiu voucher (kupon) kombustível nian aprova husi Governu ba transporte públiku sira iha teritóriu nasionál tomak.

"Kada karreta 150 litrus, tantu bus, mikrolete, angunan hanesan no dadus ne'ebé ami haruka 250 karreta ne'ebé hala'o operasaun iha ita nia Munisípiu," dehan nia iha kna'ar fatin Uatulete Baukau, kinta (21/07).

Transporte públiku ne'ebé rejistu ona iha DNTT Baukau, sei hetan kombustível husi postu abastesementu Fisilia iha Suku Triloka, Postu Baukau Vila, tanba nia mak manan iha tenderizasaun.

DNTT Baukau husu ba kundotór sira, tenke mantein nafatin tarefa pasajeirus nian, husi Munisípiu ba Postu no husi Munisípiu ba Dili, inklui iha sidade laran, se kontinua hasa'e tarefa hanesan dadaun Dili-Baukau kada pasajeirus selu US$5.00 mak sei hasoru regras tarefa no hasoru parte tranzitu.

"Ami husu ba karreta na'in sira, voucher ne'e uza to'o 31 jullu, labele liu ida ne'e, segunda feira hahú fahe bele hakat mai hetan direitu, sé liu ida ne'e voucher sira lavale ona, tanba determina to'o 31 jullu, atendementu kada loron," nia informa

Nune’e, kupon mina sei distribui ba motorista sira iha resintu DNTT Baukau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter