Login to your account

Username *
Password *
Remember Me

Governu ‘Bandu’ Funsionáriu ho Saláriu $500 Simu Ai-hán Sesta Bázika

Sekretáriu Estadu Kooperativa (SEKOOP), Elzário Ferreira. Sekretáriu Estadu Kooperativa (SEKOOP), Elzário Ferreira. Foto Suplay

Tempotimor (Manufahi)-Sekretáriu Estadu Kooperativa (SEKOOP), Elzário Ferreira hatene, distribuisaun Programa Sesta Bázika daruak diferente etapa dahuluk ne’ebé ema hotu bele asesu, tanba iha tinan 2022 bandu funsionáriu públiku no privadu sira ne’ebé kada fulan hetan saláriu $500 la simu ai-hán sesta bázika.

“Agora funsionáriu ne'ebé hetan saláriu $500 ba leten sei la hetan benefisiu ba sesta bázika, maibé nia oan sira sei hetan nia direitu ba benefisiáriu sesta bázika ne'e”, dehan Sekretáriu Estadu Elizário, iha suku Betano, Postu Administrativu Same, Munisípiu Manufahi, sesta (15/07).

Tanba sesta bázika ne'e só ema ne'ebé hetan saláriu minimu husi $500 kraik mak bele hetan benefisia ba ai-hán, tanba defene ona ho dekretu-lei.

“Distribuisaun Sesta Bázika ida ba kotuk ne'e universal katak ba ema hothotu la haree ba ema riku ka ki’ak no la haree ba ema boot ka ki'ikoan, maibé fahe ba ema hotu la haree ba saláriu mínimu ka másimu”, haktuir nia.

Tanba ne'e, SEKOOP husu autoridade lokál hanesan Xefe Suku ho Xefe Aldeia koopera ho kompaña hodi oferese lista ba sira atu distribui tuir lista ne'e.

“Atu nune'e hafasil kompaña sira atu fahe sesta bázika ne'e ba ema funsionáriu ne'ebé saláriu mínimu hothotu bele hetan nia direitu”, dehan nia.

Ba programa ida-ne'e kompleta ona katak povu kuda Governu sosa, maibé sosa atu distribui fali ba sira atu rekopera ekonomia uma laran, liuhusi programa sesta bázika atu motivu komunidade agrikultó sira ativu ba produsaun produtu lokál sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter