Login to your account

Username *
Password *
Remember Me

SEKOOP Apresia CU iha Oekussi Akomoda Osan Tokon $3.2

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Dili)-Sekretáriu Estadu Kooperativa (SEKOOP), Elizário Ferreira hatete, nia parte apresia Kooperativa Kréditu Uniaun (CU) iha Rejiaun Autónoma Espesiál Oekussi Ambeno (RAEOA) ne’ebé konsege akomoda ema na’in-13.000 no osan montante tokon $3.2.

“Gupu produtu hamutuk 18 mak ejiste iha Suku 18, ejiste mós  Kooperativa Kréditu Uniaun hamutuk 12 iha Sub-rejiaun 4, to'o Kooperativa sira akomoda ona membru hamutuk ema na’in-13.000  resin, no kapitál hamutuk $3.2 millaun dollar Amerikanu, Osan sirkula iha área rurál sira hamutuk $1.2 millaun no restu sirkula iha área Pante Makasar nia, siknifika setór kooperativa mós kontribui maka'as ba dezenvolvimentu iha RAEOA”, dehan nia iha Oekussi, ne’ebé www.tempotimor.com asesu iha pájina SEKOOP, kinta (14/07).

Iha loron sábadu, (13/07) Sekretáriu Estadu Kooperativa, ho nia komitiva halo reuniaun ho dirijente Kooperativa sira hodi rona direitu progresu, dezafiu, rekomendasaun husi dirijente Kooperativa sira, nomós parte SEKOOP esplika kona-ba planu no programa Sekretáriu Estadu Kooperativa nian ba tinan oin, inklui mós kona-ba distribuisaun Sesta Bázika daruak iha RAEOA.

Nune’e husu estrutura Movimentu Kooperativa sira atu koopera RAEOA, tanba tinan ida-ne'e RAEOA mak responsabiliza distribuisaun Sesta Bázika, entaun promove ba membru sira atu mobiliza produtu sira hanesan, batar, fós, fore rai, koto, foremungu, no seluk tan, hodi nune'e aban bainrua tau iha kooperativa nian armajen, hafoin oferese ba kompaña hodi sosa, depois distribui fali ba komunidade sira.

Iha reuniaun ne'e mós movimentu Kooperativa sira hato'o sira-nia difikuldade sira ne'ebé durante ne'e hasoru mak hanesan, kooperativa barak seidauk iha sede, presiza formasaun kontinuasaun, transporte laiha, Kooperativa belun seidauk iha estatutu, no balun seidauk rejistu iha Ministériu Jutisa.

Hatan kona-ba preokupasaun hirak ne'e, parte SEKOOP rejista no balun sei responde iha tempu badak, tuir kbi’it Governu nian.

Iha enkontru ne’e Sekretáriu Estadu Kooperativa (SECOOP), Elizário Ferreira akompaña husi Diretór Jerál Promosaun Dezenvolvimentu Kooperativas (DGPDC), Francisco Xavier, Diretora Nasionál Rekursu Umanu (DNRH), hala'o reuniaun ho movimentu Kooperativa sira ne'ebé ejiste iha rejiaun Administrasaun Espesiál Oekussi Ambeno (RAEOA) iha Salaun Kooperativa Kréditu Uniaun Enklave. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter