Print this page

KM Aprova Kriasaun Soseidade Anónima Jestaun Parke Industriál

Reuniaun Konsellu Ministru ne'ebe hala'o iha Palasiu Governu, kuarta (13/07). Reuniaun Konsellu Ministru ne'ebe hala'o iha Palasiu Governu, kuarta (13/07). Foto Suplay

Tempotimor (Dili)-Konsellu Ministrus (KM) aprova ona projetu Dekretu-Lei, ne’ebé aprezenta husi Ministru Turizmu, Komérsiu no Indústria, José Lucas do Carmo da Silva, ba kriasaun Sosiedade Anónima Kapitál Públiku sira JESPIN (Jestaun Parke Industriál, SA).

Ministru Prezidensia Konsellu Ministru, Fidelis Leite Magalhães informa, kriasaun Sosiedade Anónima ne’e, ho objetivu ba promosaun atividade inisiativa privada iha setór industriál, Governu hakarak atu kria sosiedade anónima kapitál públiku ne’e, ne’ebé sei responsavel ba promosaun, instalasaun no jestaun parke industriál.

Nune’e, Konsellu Ministrus mós aprova ona Rezolusaun Governu, ne’ebé ida aprezenta husi Vise Primeiru Ministru no Ministru Planu no Ordenamentu, José Maria dos Reis, atu kria Komisaun Interministeriál Koordenadora Kriasaun Laboratóriu Nasionál Enjeñaria Timor-Leste, ho responsabilidade atu aprezenta ba Konsellu Ministrus, iha prazu fulan-tolu, Planu Diretór Kriasaun Laboratóriu Nasionál Enjeñaria Timor-Leste.

Komisaun ne’e, prezide husi Vise Primeiru Ministru, kompostu husi Ministru Obras Públika no husi Ministru Ensinu Superiór, Siénsia no Kultura. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items