“Husi reuniaun ne'e ami ko’alia assuntu haat ne’ebé sai prioridade ne’ebé iha tempu besik atu asina MoU ida entre Sekretária Estadu Kooperativa (SEKOOP) ho embaixada Portugál iha relasaun ho assuntu haat mak hanesan Dezenvolvimentu Rekursu Umanu, Dezenvolvimentu Teknolojiku, Turizmu e ikus liu kona-ba Dezenvolvimentu Agrikola haree liuba Kafé”, dehan Elizário Ferreira, ba www.tempotimor.com iha Akait-Dili, tersa (12/07).

Iha vizita kortezia atu buka hatene saida mak Kooperativa presiza atu hato'o e oinsá mak atu kria relasaun Sekretáriu Estadu Kooperativa ho Embaixada Portugál.

Tanba ne’e, Embaixadora ne’e husu na SEKOOP atu halo proposta ida ba Embaixada atubele apoiu Setór Kooperativa iha Timor-Leste.

“Emabaxadora husu atu Sekretáriu Estadu Kooperativa SEKOOP bele asele ho proposta ida atu aprezenta ba sira nune’e nune’e liuhusi organizasaun CPLP tanba Kooperativa Timor-Leste mós membru CPLP entaun liuhusi embaixada bele ko’alia ho Uniaun Europeia (UE) oinsá maka bele loke dalan hodi fó apoiu ba setór Kooperativa iha Timor-Leste”, hatutan nia. (*)