“Prinisipiu Kooperativa ne’ebé base member katak angota ne’e tenke aumenta, imi kuaze eziste besik tinan 20 ona angota nafatin 55 ne'e ita labele la'o”, dehan nia bainhira hala’o vizita iha nia Rezidénsia iha Lifau, Pante Makasar, sesta (08/07).

Iha tinan hirak liuba CU COMELI esklui husi Federasaun Hanai Malu (FHM) tanba kada fulan la submete no relatóriu mensál ba FHM, tanba liuhusi Asembleia Jerál deside FHM mak sai sumbriña ba Kooperativa Kréditu Uniaun sira iha Timor-Leste hodi fó empresta ba membru Kooperativa sira ne’ebé mak presiza empresta osan boot iha kooperativa CU nia laran.

Sekretáriu CU COMELI, Ermundo de Jesus Perreira, rekoñese durante ne’e nunka halo relatóriu ba Sekretária Estadu Kooperativa (SEKOOP) nasionál.

“Dezafiu ida mak ami seidauk halo relatóriu ida hodi submete ba SEKOOP nasionál ne'e ha’u hanoin kolega anota husi rejionál mós komprende ami-nia situasaun la’ós dehan katak ami la halo mais ami seidauk bele halo, ne'e ami rekoñese ami”, dehan nia

Iha ba dezafiu seluk, ne’ebé CU COMELI hasoru mak estrutura no membru sira seidauk iha koñesimentu oinsá halo relatóriu ba nasionál.

“Ida-ne'e mak ami hakarak relata para ba oin ne’e, ami bele hetan formasaun, tanba ne’e mak ami husu ba SEKOOP nasionál atu fó formasaun ba ami liliu ba membru no dirijente sira”, afirma nia.

Tanbna CU COMELI mós dadaun ne'e iha nia membru totál hamutuk 55 no osan kapitál hamutuk rihun $69 resin,

Dezafiu barak ne’ebé Kooperativa barak iha Rejiaun Autónoma Espesiál Oekussi Ambeno (RAEOA) maioria membru Kooperativa seidauk barak, no dirijente sira sei presiza tuir tan formasaun sira, inklui mós sei menus sede.

Tanba ne’e, mak SEKOOP enkoraza kada koperativa hirak ne’e bainhira sira buka membru Kooperativa ne’e to'o 250 sira bele hatama proposta ba SEKOOP hodi husu apoiu hodi halo konstrusaun ba sira-nia sede, liliu ba membru Kooperativa ne’ebé to'o ona 250 ba leten. (*)