Tuir informasaun ne’ebé www.tempotimor.com asesu iha pájina AIFAESA, tersa (12/07) katak, ekipa inspetór sira husi departamentu operasaun realiza inspesaun ba estabelesimentu sira ne’ebé komersializa produtu ai-hán no la’ós ai-hán iha área Audian no Bidau, Postu Administrativu Nain- Feto.

Iha atividade inspesaun ne’e, ekipa hala'o verifikasaun ba data validade hosi produtu sira ne’ebé komersializa iha estabelesimentu inklui dokumentu Autorizasaun husi Servisu Rejistu no Verifikasaun (SERVE).

Inspesaun ne’e mós ekipa komtinua husu na'in ba estabelesimentu sira atu halo kontrolu regulármente ba produtu ai-hán sira molok komersializa ba konsumidór sira.

Husi asaun ne’e ekipa konvoka na’in ba estabelesimentu ida tanba la aprezenta karta autorizasaun ne’ebé emite husi SERVE. (*)