“Iha konta jerál estadu 2020, Ministériu Finansas rejista katak husi entidade públiku hamutuk 61. Entidade 17 de'it ka %28 mak haruka sira-nia dokumentu ba Kámara Konta, hanesan pretasaun konta sira, mesmu ke Ministériu Finansas fó tiha ona hanoin dala-barak”, dehan Ministru Rui bainhira partisipa debate Konta Jerál Estadu 2020 iha Plenária Parlamentu Nasionál (PN), segunda (11/07).
Maske situasaun ne'e rasik hamosu lamentasaun boot ba Governu maibé husi Ministériu Finansa rasik notifika ona entidade sira ne'e katak iha futuru tenke entrega sira-nia dokumentu konta jerál estadu ba kámara konta.
Ba situasaun ne'e parte Governu halo nafatin esforsu maka’as atu oinsá mak situasaun ida-ne'e labele repete filafali iha Konta Jerál Estadu 2021-2022 inklui mós iha tinan sira tuir mai.
Maibé Ministériu Finansa mós informa ba deputadu sira katak dadaun ne'e relatóriu finanseiru anuál ne'ebé mak submete ona ba Kámara Konta, to'o agora entidade hamutuk 29, husi munisípiu 12 no RAEOA, ne'e siknifika katak iha ona krésimu ida %69 kompara ho tinan 2020.
Tanba ne’e hein katak ho akompañamentu kontiña ne'ebé mak Ministériu halo ba munisípiu no entidade sira, husi diresaun jerál tezouru mak persentajen ne'e mós sei bele liután iha tempu sira tuir-mai. (*)
