Tuir informasaun ne’ebé www.tempotimor.com asesu iha pájina MTKI, kinta (07/07) katak, Ministériu Turismu, Komérsiu no Indústria (MTKI) liuhusi Diresaun Nasionál Peskiza no Estatístika (DNPE) ne’ebé tutela ba Diresaun Jerál Koordenasaun Administrasaun, Finansas no Planeiamentu, iha tinan 2021 hala’o kooperasaun ho Servisu Teknolojia Informasaun no Komunikasaun (TIC-Timor) liuhusi akordu servisu iha Sistema Dijitalijasaun KoboToolBox hodi kria Formuláriu Eletróniku ba rekollamentu dadus iha setór Turizmu, Komérsiu no Indústria.
Liuhusi akordu refere realiza ona formasaun durante semana ida ba funsionáriu destakadu MTKI iha munisípiu lima mak hanesan: Aileu, Ainaro, Ermera, Lautein, Manatuto, no Vikeké inklui Dili ho totál partisipantes hamutuk na’in-ualu.
Husi formasaun ne’ebé hala’o ho objetivu hodi hasa’e koñesimentu no abilidade ba funsionáriu destakadu oinsá atu utuliza Teknólojia Informátika ba rekollamentu dadus iha turismu, Komérsiu no Indústria liuhusi Android no formulráiu Eletróniku liuhusi Sistema Dijitalijasaun Kobocollect. (*)