“Ne'ebé haree ba labele mak iha Dili laran de'it mak tinan-tinan osan ne'e ita tau tiha bonkar fali e pena liu ba sira ne'ebé nunka iha to'o agora seidauk asesu, estrada la di’ak nafatin, eletrisidade la tama, Bee laiha, maibé iha Dili laran ne'e tinan-tinan”, dehan Deputada Fretilin, Helena Martins iha Plenária Parlamentu Nasionál, segunda (04/07).
Bankada Fretilin ko’alia ne'e tanba iha Valeta no estrada balun iha Dili laran, iha parte ne'ebé sira hela ne'e tinan kotuk mak hadi'a, maibé iha semana kotuk kompaña sira ba sobu fali.
Bankada FRETILIN husu Governu liliu Ministériu Obras Públika atu klarifika manutensaun ka hadi'a valeta sira iha Dili laran ne'e kompeténsia husi Prezidente Autoridade Munisípiu Dili ka Ministériu Obras Públika nian tanba seidauk tinan ida kompaña sira ba sobu no hadi’a.
“Tanba ne'e mak presiza atensaun másimu iha sé maluk emprezáriu sira kaer iha ne'e karik halo netik kualidade, ho ninia estudu viabilidade ne'ebé di'ak para labele la to'o tinan ida bonkar tiha fali, ne'e estragra de'it osan estadu nian ne'ebá, ne'e ita la kestaun fali”, afirma nia.
Ba kestaun ne'e, husu Ministru Asuntu Parlamentar no Komunikasaun Sosiál, Francisco Martins da Costa Pereira Jerónimo, atubele informa ba Governu atu labele gasta. (*)